الأربعاء، 28 نوفمبر 2018

بتنسي بسرعة .....النسيان المؤقت اسبابه و علاجه


النسيان
هو أنا كنت داخل الأوضة أجيب إيه ؟
.
فجأة وانت قاعد في أمان الله تفتكر إنك نسيت مذكرة في الأوضة , تقوم علشان تجيبها واول ماتوصل الأوضة وتدخل تنسي إنت كنت جاي ليه , وممكن ترجع تاني من غير ماتجيب الحاجة اللي انت عاوزها !!

برضة  زيها زي إما أمك تبعتك تجيب طلبات من السوبر ماركت وتنسي وانت هناك أول ماتوصل وتتصل تقولها أنتي كنتي عاوزة ايه ؟ 😂
وتقعد تقولك ايوة ما انت بتحب بقي علشان كدة بتنسي
للأسف ده مش حب ..
.
الحالة دي إسمها " Doorway Effect  " ومتخفش مهوش زهايمر ولا حاجة وحشة , دي بتدل إن عقلك لسة كويس كمان ..
في دراسة اتعملت في 2011 وجدوا ان " Doorway Effect " نتيجة لمجموعة من البرامج العقلية شغالة تلقائياً .
جابوا 55 طالب جامعي وخلوهم يلعبوا لعبة علي الكمبيوتر  الTask  بتاعها انه يدخل أوضه ويجيب صندوق في حاجة معينة , وأول مايدخل الأوضة يشوف الصندوق فيه ايه , وبعد مايخرج الكمبيوتر بيسأله " هل الحاجة اللي في الصندوق هي كذا ؟؟ "

بعدها عملوا التجربة في الواقع وسمحوا ليهم يشوفوا الصندوق مرة واحدة بس أول مايدخل الاوضة .. وكان بعد مايخرج بفترة من الأوضة بيسألوه " هل الصندوق ده فيه كذا ؟ "
ونتائج التجربتين كانت واحدة ..
.
معظم اللي عدي عتبة الغرفة ودخل في مكان ونظام جديد بيتطلب منه ذكريات وعمليات تذكر نسي إيه اللي كان في الصندوق , النظام الجديد ده fresh landscape for memory...
عتبة الغرفة تسمي ب  " Cut-off Point " أو نقطة انقلاب مثلاً من حاجة لحاجة تانية خالص .. 
والعملية محتاجة إنتباه بقدر كبير  , وللأسف العقل ميعرفش ينتبه لكذا حاجة في وقت واحد ..
.
ومفيش علاج للموضوع ولايمكن تجنبه , إلا لما وانت داخل تقعد تكرر " أنا داخل أجيب المذكرة . أنا داخل أجيب المذكرة " 😂😂

التسميات: ,

ازاى تنزل اوراق بحثية ببلاش في اى مجال و بطريقة سهلة جدا

بحث علمى
بالنسبة لموضوع البحث العلمي .. وإزاي أنزل أوراق بسهولة .
.
قولنا قبل كدة إن أهم حاجة في أي ورقة بحثية علشان تعرف تنزلها هو الـ Doi بتاعها . ولو مش معايا الـ Doi ممكن أجيبه بطرق تانية كتير ..
اللينك أهو : https://kemetson.blogspot.com/2019/01/doi.html
.
طيب إيه المواقع اللي ممكن أنزل من عليها أبحاث ؟
.أنا وضعت ليست بيها قبل كدة
طيب أنا عاوز الـ Open access journals أجيبها منين ؟
الناس في Elsevier كتر ألف خيرهم عملوا ليست محترمة بيهم أهو
اللينك أهو : https://www.elsevier.com/about/open-science/open-access/open-access-journals
.
طيب أنا عاوز أعرف Journal Rankings أصل أنا عالم ومباخدش أي حاجة كدة وخلاص ؟
الناس في SJR محترمين عملوا لينا Ranking لجميع الـ Journals في كل المجالات وكمان حسب البلد ..
مثلا أنا عاوز أعرف Geophysics Journals ؟ هختار كلمة Geophysics وأضغط Enter هيجيب كل حاجة حسب الترتيب والبلد والإستشهاد وكل حاجة ..
.
طيب عاوز بقي محركات بحث حلوة كدة علشان أبحث براحتي مدورش كتير ؟
دي محركات بحث أنا كنت رافعها
اللينك اهو : https://kemetson.blogspot.com/p/blog-page_22.html
طيب ياجدع أنت مش واثق فيها ومش بتحبني 😂😂😂
دول 100 محرك بحث جمعهم الناس في teachthought للعلماء اللي زينا
اللينك أهو : https://www.teachthought.com/learning/100-search-engines-for-academic-research/
.
نسيت أقول لسيادتك إن ليك Open Access علي Nature
أول ماتدخل الموقع هو هيتعرف علي موقعك , لو جيت تسجل هتلاقي في خانة
الـ Affiliation/Employer هما كاتبين علي طول EKB-Public-Access
https://www.nature.com/
هتلاقي قدام 90% من الأبحاث والمقالات علي الموقع مكتوب Open ..
..
بالنسبة لقراءة البحث فهي سهلة جدا , نتكلم عنها في بوست تاني
المرة الجاية بإذن الله هاجي انزلك البحث وأقرأه وألخصه ليك حاضر 😂

التسميات:

ايمان العالم الشهير نيوتن و اعترافه بوجود الله

اسحق نيوتن
لما نشر نيوتن كتابه Mathematical principle of natural philosophy وضع فيه قوانين الحركة , مع ظهور الكتاب وانتشاره نشأ عن ذلك أول مفارقة عن نشاة الكون وهي الـ Bentley's paradox ...
وعلي الرغم من الشهرة الواسعة اللي تلقاها نيوتن من نشر الكتاب _ بمساعدة هالي_ إلا انه كان عارف ان نظرية الجاذبية كانت مليئة بالمفارقات .
.
سنة 1692 أرسل الراجل Richard Bentley  خطاب إلي نيوتن قاله :
" لو الجاذبية دائماً قوة جاذبة زي ماانت بتقول , وليس هناك أي تنافر , فإن أي تجمع من النجوم هينهار علي نفسه . ولو الكون محدود كانت كل النجوم إلتحمت مع بعضها في نجم واحد كبير بسبب قوة الجاذبية .. ولو غير محدود هتكون القوة المؤثرة علي أي جسم تسحبه لليمين أو الشمال والقوة دي هتكون غير محدودة وهيتم تمزيق الجسم "
للوهلة الأولي لما تقرأ الكلام ده هتقول إن "بينتلي " وضع نيوتن في مأزق , وعمله حتة لامس اكتاف من بتوع ممدوح فرج 😂😂😂😂
.
وبعد تفكير عميق وتفضيله فكرة الكون الغير محدود أرسل الرد .
نيوتن فضل فكرة الكون اللانهائي اللي بيخضع لتماثل كلي .
يعني لو تم سحب نجم من مجموعة من النجوم علي يمينه , قوة السحب هتتلغي بسبب وجود نفس المجموعة من النجوم علي الشمال , وبالتالي النجم هيستقر
أو زي ماقال نيوتن " All forces are balanced in each direction "
ده لو القوة الجاذبية دايماً جاذبة يبقي حل المفارقة هو الإنتظام والكون الغير محدود
..
نيوتن مكنش أهبل ,لأنه عارف ان ده حل ضعيف وهو بنفسه قال كدة في خطابه
بتفسير ينوتن ده بيضع الكون " رهن الصدفة " يعني أي تغيير مفاجئ في قوة الجاذبية لنجم واحد , كل النجوم في الكون هتنهار علي بعضها , والكون ينهار
.
وهنا لجأ نيوتن لوجود "القوة الإلهية Divine Power " وهي القوة اللي بتمنع الكون
من الإنهيار , وكتب قائلاً " Continual miracle is needed to prevent the sun and the fixt stars from rushing together  through Gravity "
نيوتن شايف ان الكون عبارة عن ساعة عملاقة , شغلها الإله في بداية النشأة وهتفضل شغالة دون تدخل منه , لوجود القوانين الثلاثة للحركة .
.
نيوتن كان دايماً كدة ياجماعة , يحركه إيمانه في المعضلات , كان كل مرة لايستطيع فيها تفسير أي ظاهرة كان بينسبها للإله .

التسميات: ,

انقراض اخر وحيد قرن ابيض على وجه الارض

وحيد القرن

الأيام اللي فاتت عرفنا إن أخر ذكر من نوع " وحيد القرن الأبيض " مات وبكدة النوع انقرض نهائياً , فلم يعد هناك وحيد قرن أبيض لتريه لإبنك الصغير ويقذفه بالحجارة وأنت تلقمه إياهها في حديقة الحيوان :)
.
خليني هنا أكلمكم شوية عن أد إيه ظهور الإنسان كان مؤذي لبيئته وكل اللي حواليه من نباتات وطيور وحيوانات وأي ابن كلب ماشي علي الكوكب 😄😄

ـ في أخر 500 سنة إنقرض حوالي 322 نوع من الطيور والحيوانات ,وزواحف وبرمائيات , و حوالي 2/3 من انقراض ال 322 نوع حصل في ال200 سنة الاخيرة ..
في أخر 35 سنة زاد عدد البشر تقريباً الضعف ,بمعدل الزيادة ده في 2100 هنكون حوالي 27 مليار كئيب علي الكوكب .
.
إلي الأن تم إكتشاف حوالي 1.9 مليون نوع حيوان , وحوالي 450000 نوع نبات  , من كل مليون نوع بيختفي من 100 لـ 1000 نوع سنوياً , بالرجوع بالزمن لـ 200.000 سنة ورا يعني قبل ظهور البشر وجدوا إن من كل مليون نوع اختفي نوع سنوياً .. " شوف التعليقات "
.
ــ وفي إحصائية أخري قالوا إن عدد الانواع اللي انقرضت من ظهور الإنسان حوالي 477 نوع وده في اخر 100 سنة بس .
المشكلة ان محدش يقدر يحدد تحديد دقيق لعدد الإنقراضات لأننا منعرفش عدد الانوع كام علشان تقدر تعمل حصر وفي وكامل للي إختفي .

دا أكتر من نصف الأنواع الموجودة إلي الان هي " حشرات " بما في ذلك حوالي 35.000 نوع " خنافس " 😂😂 إنت متخيل ..
لدرجة لما سألوا عالم الوراثة البريطاني جي بي اس هالدين عما استنتجه عن الخالق من دراسته للطبيعة قال :
" إن كان موجوداً فهو مغرم بشدة بالخنافس . "
.
العلماء بدأوا يكلموا الحكومات بالإسلوب بتاعهم اللي هو " بالفلوس " فعملوا حصر:
ــ حوالي 73% من الزيارات لدولة ناميبيا بتعتمد علي الطبيعة , بتدخل حوالي 14.3% من إجمالي الدخل القومي للدولة .
ــ مشاهدة الحيتان في أمريكا اللاتينية بتجني حوالي 375 مليون دولار سنوياً
ــ مشاهدة القرش في الولايات المتحدة بتجني حوالي 314 مليون دولار سنوياً , اللي هو تقدر توفر وظائف ل 10.000 شخص عاطل .
.
أدي الإنسان المؤذي لنفسه وللطبيعة ولكل اللي حواليه , وشوية كمان وهنأذي الكواكب اللي جنبنا عالطلاق وهتبقي أيامنا رنجة 😄😄😄😂😂😂😂

التسميات: ,

لا تتراجع عن افكارك و لا مبادئك امام الاخرين

مبادئ
المشكلة إننا بقينا نخاف من بعض , بقينا نخاف من تفكير بعض !! وأد إيه ممكن يظن فيك الناس ظن سئ لخير إنت عملته أو لفكرة إنت بتدافع عنها ..بقينا نفضل الصمت الأبدي

ــ البنت اللي في العشرينيات من عمرها اللي دخلت عليك المترو وانت قاعد وخوفت تقوم لمجرد إن الناس متفكرش إنك قومت علشان ؛ كما يقولون ؛ حكاك ..

ــ الكلام اللي نفسك تقوله للناس من زمان ولو حتي في بوست وكل يوم بتكتبه هنا
وتقعد تقرأ فيه مرة واتنين ولما تنزله مع أول واحد يهاجمك بتمسح الكلام فوراً وبتقرر تحتفظ بيه لنفسك ..

ــ حتي البنت اللي بتلبس لبس مش علي الموضة أعتقد هي الأخري أصبحت تخاف من نظرات الناس وقولهم " إيه ده دي الموضة دي انتهت , هو لسة حد بلبس كدة دلوقتي "

ــ حتي زميلتك في الدراسة اللي بتخاف تطلب منها حاجة في إطار الدراسة للدفعة المحترمة بتاعتك تقول عليك لفظاً " بتحبها " وخلاص كتبوهالك وممكن يسمولكم عيالكم كمان ..

ــ لو شوفنا ولد بيعاكس بنت في الشارع  بقينا نخاف نقوله " إحترم نفسك ودي زي أختك " ونقول بكل بساطة " ياعم وأنا مالي هو أنا ناقص "

ــ بقينا نشعر بالشفقة علي المتحرش لما يتمسك بجريمته ونشوف دموعه بنبدأ نترجي الشخص اللي سببله أذي إنه يسامحه , مع إنه قانوناً مجرم ويجب عقابه , وعُرفاً مجرم ويجب عقابه ..
.
إحنا شوهنا كل حاجة ياجماعة للأسف , عاداتنا تحورت بقيت قيود وتحولت لمخاوف والنخوة أصبحت " حك " .. بقينا نفكر كلنا  زي بعض اللي هو نفس ال 100 شخص اللي ماشين في الشارع في لحظة تحرش يقولوا " وأنا مالي " .... إحنا بنموت ببطأ

أتمني من الله ألا أُطيل المكوث هنا ...

التسميات:

حوار قصير عن الخيبة لا تجزع من رحمة الله

الخيبة
هو : مايبكيك ياصديقي
أنا : لا أدري مايبكيني ! هل أبكي علي ما أصابني من خيبة ، أم علي ما أخشي أن يصيبني من تلك الخيبة ؟
هو : وما الخيبة !؟
أنا : هو ذلك الشعور الذي يلازمك حينما لاتفعل شئ ! شعور دائم بأن كل ماتفعله ليس بشئ . يلازمك طيفا لاتري ملامحه وتتسائل أهذا أنا !؟
هو : حاول أن تتخلص من ذلك الاحساس
أنا : تقصد اللاشئ ! اللاشئ ليس بإحساس .هو مايلازمك حينما تمرض نفسك ،حينما تفقد الأمل ويأتي اليأس بمتاعه ليمكث بمنزلك قليلا ؛ يصاحبك ، يتودد إليك وقد تجد الألفة في مصادقته أحيانا . فهو صديق وفى والأجمل من ذلك أنه سيجعلك تشعر بالحنين لنفسك القديمة وحينما تدركها سيغادرك لتلملم ماتبقي من نفسك .
هو : ولماذا تبكي الأن ؟
أنا : لانه غادرني وضميري وأنا الأن لا أستطيع أن ألملم ماتبقي من نفسي ..
هو : لاتبك فذلك مايحل بالجميع في وقت ما ،لايفعلون شئ أو تموت تلك الرغبة في فعل أي شئ ، في خيبة من حين لأخر وذلك مايجعل للحياة معني ، فهو يذكرك بأن ماتريده يصعب نيله باللاشئ ..
وتلك سنة الطلب ..ماتريده تسعي إليه ..
فرفقا بنفسك وصادقها ..
.

التسميات: ,

اهمال العلم لدى الشعوب العربية مسئولية مين ياترى !!!


طالب العلم
ليه الشعب بتاعنا مش علماء, ليه مش بيهتموا بالعلم ؟

كل دي تساؤلات إجابتها بتدين الشعب او أهل الدولة , ولكن اللي متعرفوش إن الشعب لايملك أي حق في تحديد مصيره , الإتجاه العام للشعب الدولة اللي بتتحكم فيه , وأخص بذلك الحاكم بتاع الدولة .
بمعني إن لو الحاكم إهتم بالعلم والتعليم هتلاقي الشعب مهتم بالتعليم والعلم وهكذا , لو مهتم بالتسليح والصناعة الحربية هتلاقي الشعب كله مهتم بده وبيتابع التطورات , لو مهتم بالاصلاح الإقتصادي هتلاقي الشعب كله بيسأل عن الأسعار ..

في كتاب " الكامل في التاريخ " لإبن الأثير بيقول :
كان الوليد بن عبد الملك صاحب بناء واتخاذ المصانع فكان الناس يلتقون في زمانه فيسأل بعضهم بعضاً عن البناء , وكان سلمان صاحب طعام ونكاح فكان الناس يسأل بعضهم بعضاً عن النكاح والطعام , وكان عمر بن عبد العزيز صاحب عبادة فكان الناس يسأل بعضهم بعضاً عن الخبر : ماوردك اليوم وكم تحفظ من القرأن وكم تصوم الشهر ...

معني كدة اللي بيتحكم في التوجه العام للشعب وشكل المجتمع هي سياسة السلطة ومنهجها , في جملة تنسب لعلي بن أبي طالب بيقول " الناس بأمرائهم أشبه منهم بآبائهم " ..

في القرن الثامن عشر كان فيه فيلسوف فرنسي اسمه هلفيتيوس قال :
إن التفاعل بين المجتمع والدولة ذو اتجاه واحد , فالشعب لايؤثر في طبيعة الدولة وانما تؤثر الدولة في خصائص الشعب وأخلاقه ....
الراجل استنتج إن الدولة مسئولة عن مساوئ الشعب وبرضة عن محاسنه .

التسميات: ,

دارى على شمعتك تقيد مثل شعبي صادق

شمعة
مش لازم تعرف الناس اي حاجة تحصلك ، الحاجة اللي هتديهم دافع قولهم عليها غير كدة متقولش لحد اي حاجة من اخبارك . كل ذي نعمة محسود ياعزيزي ، واستعينوا علي قضاء جوائجكم بالكتمان ...
خليهم يتفاجئوا بإنجازك . لو حابب تشارك الناس اللي عملته قولهم عادي
حزنك ،فرحك،تعبك ،تعليمك احتفظ بكل حاجة لنفسك .

خططك كلها واهدافك تبقي ليك انت ، لو عاوز تقول لحد يبقي اقرب الاقربين ليك وتكون متأكد انه مش هيسفهك ولايقلل من قدرك ،ولا هيحبطك ..
ارسم الطريق كويس جدا لهدفك  وحط خطة Aوخطة B علشان لو حصل حاجة ، متخليش اي ظروف تقف في طريقك ..بطل تحط مبررات لفشلك واحباطك ، وبطل تبص للناس وتقول ان فلان ظروفه احسن منك وطبيعي يبقي هو افضل منك .

مش كل مرة تفشل فيها يبقي المرة اللي بعدها هتنجح بإعتبار ان انت توماس اديسون حاول بقدر الامكان تخلي النجاح من اول مرة ،مفيش محاولة تانية ..
خد كورسات كتير وابحث في مجالك واقرأ كتير ،ونزل مراجع والزم نفسك بالقراءة ..

انت في سباق ياصديقي وقد تجد من يتسابق بقدم واحدة والاخر يبدأ الطريق من منتصفه ،واحدهم يبدأ معك ولكن الكل يحمل هدف واحد وهو الوصول للقمة ، وانتم في نظر الحكام والمشاهدين متساوون في الظروف .
ساعدوا بعض ،واعينوا بعض علي اهدافكم .
حبوا بعض ونقوا قلوبكم ❤

التسميات: ,

العبرة بالخواتيم لا تنخدع ببدايات الامور

النهاية
النهاردة صحيت من النوم وأنا عندي قناعة رهيبة إني أقدر أخلص حوالي خمس كتب النهاردة بس وانا مرتاح جداااا وعندي طاقة عالية أووووي ..

واحد بيحكي بيقول :
في يوم كلمت صديقي وطلبت منه إني أجري معاه , لأني كنت حاسس بطاقة غريبة وإني أقدر أتخلص من عاداتي السيئة في يوم وأرجع صحتي زي ماكانت ..
للأسف أنا كنت مدخن شره جداً , ومع ذلك ومع إني عارف قدراتي الجسدية السيئة قررت أتحدي صديقي ده في الجري !!
معرفش أنا كنت بفكر في إيه بالضبط , بس كل اللي كان في دماغي إني هقدر أغلبه بسهولة , مع إنه شخص رياضي جداً ومواظب علي الجري من سنوات , بس كنت مقتنع إني هقدر أتغلب عليه وبسهولة ..

بدأنا جري , جرينا كتير وفجأة انعدمت الرؤية عندي , وشعرت إن دماغي خفيفة جداً , وحسيت بدوار رهيب وإن قلبي هيقف , وسقطت علي الأرض , صديقي خاف وكلم الاسعاف ..
تاني يوم صحيت وانا حاسس ان جسدي مر من فوقه عربة " محملة بطاطس باين 😂😂😂" وتخليت عن كل فكرة عندي إني أجري تاني أو أكون رياضي ..
.
هي دي حياتنا بالضبط ياجماعة
- كونك صحيت في يوم وعندك قناعة إنك تقدر تكون لاعب كورة كبير وقررت تبدأ اليوم ده فعلاً في خطواتك نحو النجومية بس للأسف مقدرتش تعمل ده في يوم وفقدت كل أمل في إنك تكون ما تريد ..

- في بداية السنة لما قررت تخلص السنة دي حوالي 50 كتاب في مختلف المجالات وتاخد الـ IELTS وتشوف منحة تقدم فيها وتوفي متطلباتها , وتقرأ في الفلسفة وتجيب تقدير كويس في كليتك , وتواظب علي الصلاة والطاعة .. ده عمره ماهيحصل بالـ  Spark of motivation اللي جيتلك في ساعة دي ..

- كل يوم قرارك اللي بتاخده وانت كلك حماس وطاقة إنك تكون إنسان جديد ومش بتتغير وكل يوم بتأجل وبتسوف علي أمل إنك تبدأ بكرة وعلي امل إن لسة وقت كتير اووووي وتقدر تعمل أي حاجة وقت ماتحب وبسهولة ..

- بداية رمضان لما قررت إنك تختم القرأن 3 مرات ومتسبش التراويح ولا الذكر وتكون شخص مطيع ومواظب علي الطاعة , الطاقة والحماس اللي جيتلك أول يوم دي للأسف مش هتخليك تكمل للأخر ..

- لما صحيت وقررت تروح الجيم وتعمل جسم وكلك حماس , وبعد أول يوم ملقتش نتيجة قررت تبطل جيم
...........................
اللي بيحصلنا ده  Just a spark of motivation  ومش هيخرجك من هنا صدقني

اللي بيملك صحة جيدة وجسم كويس , ده يستحقها , لأن ده نتيجة تمرين وتدريب يومي وجهد هو داوم عليه لفترة ..

اللي داوم علي المذاكرة وجاب تقدير كويس وحصل علي منحة محترمة في دولة كويسة , ده يستحقها والله , لأنه اقتنع إن مفيش Shortcut  في الحياة دي , كل شئ عاوز مجهود وتعب وسهر علشان يوصله .. وفعلا عمل كدة ووصل

الأهم من الإجتهاد ياجماعة هي " الدوام " علي الشئ القليل اللي بتعمله في يومك ..
اللي بتعمله وانت فاكر انك مبتعملش حاجة لو داومت عليه هتحس بقيمته فعلاً بعد فترة , السيدة عائشة قالت إن النبي كان دائم القول " أنَّ أَحَبَّ الْأَعْمَالِ إِلَى اللَّهِ أَدْوَمُهَا وَإِنْ قَلَّ "
.
كلنا عاوزين نسافر برة ونكمل تعليم في جامعة محترمة , ولكن هل حد فينا فعلاً عمل اللي عليه علشان يوصل للمكان ده ؟ هل وفيت كل اللي مطلوب منك ؟
طب ليه بنزعل لما بنفشل ؟؟؟
في حكمة جميلة أوي بحبها بتقول :
It's not rocket science . our destiny is surprisingly related to our daily habits. not sparks of motivation ..
موفقين

التسميات: ,

لا حدود للامل فلا يأس مع الحياة و لا حياة مع اليأس

كرة القدم
أثناء فترة تدريب السير " أليكس فيرجسون " لمانشيستر يونايتيد في 2001 مانشيستر كانت خسرانة من توتنهام 3-0 في الشوط الأول .. السير أليكس بيقول " في الإستراحة بين الشوطين مكنتش عارف أعمل إيه , هدوء وصمت رهيب في غرفة الملابس , قولت ليهم خلينا نحرز هدف واحد ونشوف إيه اللي هيحصل بعدها ؟
مكنتش قادر أديهم تحفيز وأقولهم هما 45 دقيقة بس اللي هتلعبوها ولازم تحرزوا 4 أهداف لأن ده هيكون واضح انه مستحيل للبعض منهم , الفكرة كلها في إحراز هدف وال 4 هتكون معقولة إننا نحرزها , وفي النهاية فزنا 5 مقابل 3 ... "
دي أهداف الماتش : https://bit.ly/2LUFvFC
.
مش في كل الأوقات التحفيز بيجيب نتيجة , التحفيز ممكن يكون سبب للإطمئنان , مطمن إنك تقدر تخسر مثلا 15 كيلو في شهر , إنك تقدر تألف كتاب , إنك تقدر تذاكر لمدة 4 سنين في كليتك بدون مايصيبك ملل . كل ده مش صحيح .. د
.
متعودش نفسك علي " التحفيز " دوماً , لأن ده مستحيل , لو غاب التحفيز ده في أي وقت من الأوقات إنت هتضيع . عود نفسك علي المرونة , المرونة معناها إنك تبدأ في عمل أي شئ وبعد كدة هتلاقي الأمور وضحت والعمل ده قابل للتحقيق فعلاً .

في يوم قرر والد " ويل سميث" انه يهد الجدار اللي قدام المخبز بتاعه ويبني جدار جديد ، كان ويل لسة صغير واخوه كذلك وابوهم وكل ليهم مهمة انهاء الجدار ده . قاله مستحيل انا واخويا نعرف نبني جدار بالحجم ده ! ومع ذلك بدأ في بناء الجدار ، كان كل يوم يأتي من المدرسة كان يبشتغل في الجدار هو واخوه كان بيعمل فيه حاجات بسيطة جدااا بس كان بيشتغل .
الجدار بدأ يكبر تدريجيا ،بعد سنة ونص وقف الثلاثة قدام جدار مكتمل الأركان بالضبط زي ماخططوا لبناءه ، وبص والد ويل ليه وقاله : now, don't you ever tell me you can't do something again...
ويل قال انا اتعلمت حاجة مهمة جدااا من الموقف ده
" متقولش انا مش هعرف أبني الجدار ولا انا هبني أسوأ جدار تم بناءه في العالم ،قل لنفسك انا هضع حجر فوق أخر بمثالية كما يكون البناء ، لو استمريت علي ده كل يوم في النهاية هتلاقي عندك جدار مكتمل الأركان "

الدوام علي فعل شئ ولو بسيط هيعرفك علي مدي الأيام أد إيه الصفحة اللي كنت بتقرأها كل يوم من مرجع ما كانت مهمة جداً . أنا بحب أحط التأثير ده تحت مسمي " تأثير جناح الفراشة butterfly effect أو sensitivity to initial conditions "
التراكمية ياجماعة
.
متحاولش تحط هدف وتطارده , حط هدف وانساه ,
وإستمتع بخطوات وصولك للهدف ده , لأنك مش هتقدر مهما حصل تتوقع هل إنت قادر علي الوصول ولا لأ ؟ وكل مرة هتفكر في إمكانية فشلك هتصاب بإحباط وهتبقي عاوز تلجأ لأي حاجة " تحفزك " ورجعت تاني لنفس المشكلة ..

أتمني تكونوا فهمتوني

التسميات: ,

كفاية سوشيال ميديا مجتمعاتنا تنهاااار !!

social media
السوشال ميديا بوظت كل علاقتنا والله ياجماعة ، خليتنا نعتقد ان ده هو الصح والعالم الصحيح المثالي للعيش .
خليتنا في المناسبات ندعي بعض في رسالة وارد عليك بتهنئة في رسالة . كانوا ايام زمان بيلفوا علي بعض في البيوت بيدعوا بعض .
بقينا حتي نستكتر نكلم بعض فون .

خليتنا نطمن علي بعض في الرسايل .. "إنت عامل إيه ؟ الحمد لله كويس . وانت ؟ " وماتت الرسالة كدة ، كان مفيش حاجة اسمها صلة رحم وزيارات منزلية وود وحاجات جميلة جدا .

خليتنا نواسي وننعي أحبائنا هنا ونعزي غيرنا هنا بمجرد رسالة . بقينا بنطمن علي تعب بعض هنا ونقضي حاجة بعض هنا . ونتقابل هنا  .
موتت العلاقات .
موتت كل حاجة جميلة في تجمع أصدقاء يوم الخميس مثلا لما بيخرجوا فيه ، في تجمع عيلة كل يوم أجازة من الاسبوع ....

السوشال ميديا مش بديل للعالم الخارجي ، ولا عمرها هتكون بديل . اخرج واختبر أرائك وأفكارك برة . اختبر أفعالك وشوف ردود افعال الناس ..
بقينا شئ سئ جدا والله

التسميات: ,

" العلوم إما فيزياء , وإما جمع طوابع " ernest rutherford

ernest rutherfordالنهاردة ذكري ميلاد إرنست رذرفورد " 30 أغسطس 1871 "
الراجل اللي قال " العلوم إما فيزياء , وإما جمع طوابع "
وأخد نوبل في الكيمياء =D =D =D

.
بداية عمله كانت مع ج.ج. تومسون وكان علي تأثير أشعة إكس علي الغازات , وأدي عمله مع طومسون الي اكتشاف الإلكترون , اللي قدمه طومسون للعالم عام 1897 .
بعد كدة سمع إن هنري بيكريل شغال علي اليوانيوم , فقد يدرس إشعاع ذرة اليوانيوم إلي ان إكتشف نوعين من الإشعاع تختلف عن أشعة X .
بعد كدة راح كندا كمل شغل هناك ونجح في اكتشاف أشعة ألفا α وأشعة بيتا β سنة 1899 ليقدم للعالم نوعين مختلفين من الأشعة .
.
من 1900 إلي 1903 إشتغل مع كيميائي إسمه فردريك سودي علي عنصر الثيريوم Thorium وكيفية تحلله وإعطاءه عنصر جديد بعد التحلل ودرسوا فترة نصف العمر , وقالوا إن العنصر الجديد الناتج هو نوع من الغازات الخاملة وسموه Thoron .
.
سنة 1902 نجح هو وسودي في صياغة نظرية التحلل الذري Theory of Atomic Disintegration وقالوا إن الإشعاع عبارة عن ظاهرة تحلل تلقائية للذرات , لينتج عن ذلك نوع جديد من الذرات مختلف عن الذرة الأصلية والعنصر الأصلي " اللي هي النظائر Isotops " .
.
سنة 1900 في عالم إسمه بول فيلارد قال إن فيه نوع تالث غير ألفا وبيتا , فقام رذرفورد شغال علي الإشعاع ده سنة 1903 وقال إن فيه إشعاع ثالث يختلف عن ألفا وبيتا بسبب إمتلاكه قوة إختراق penetrating power أكبر من منهما , وأطلق عليه إسم جاما γ.
.
كمل شغله علي جسيمات ألفا مع العالم هانز غايغر وقدروا يكتشفوا كبريتيد الزنك ذو اللون الفوسفوي علي يقدروا يحددوا عدد جسيمات ألفا , بإستخدام كبريتيد الزنك علي شاشة تضوء scintillation screens .
.
سنة 1907 إشتغل مع العالم Thomas Royds وقدروا يخلوا جسيمات ألفا تخترق شباك رفيع جدا في أبوبة مفرغة , وظهر عن ذلك طيف من غاز الهيليوم وأثبتوا بذلك إن جسيمات الألفا بتأين ذرات الهيليوم .
.
اخر حاجة
طبعاً كلنا عارفين تجربته الشهيرة " تجربة رقاقة الذهب " اللي قدر يحط فيها نموذج ذري صحيح يختلف عن نموذج طومسون الخاطئ , وقدر يحدد مكونات الذرة .
ــ في عنصر إكتشفه رذرفورد تم تسميته بإسمه" Rutherfordium "Rf واللي كان المفروض يبقي إسمه Kurchatovium .
ــ في وحدة قياس إشعاع بإسمه وهي Rutherford وبتساوي 1 ميجا بيكريل .

التسميات: , ,

" أصبر وأخلق لنفسك ظروف تلائم عقلك وفكرك و تعلم ممن سبقوك"

einstein
ألبرت أينشتاين عاش أصعب فترة في حياتة من سنة 1901 وإلي بدأ انتشار النسبية الخاصة ممكن نقول 1906 ..

سنة 1903 تزوج من زوجته الأولي ميليفا وفي 1904 رزق بأول طفل له وهو " هانز " ...
نشر في صحيفة محلية إعلان " دروساً خاصة في الرياضيات والفيزياء " ومحدش استجاب للإعلان إلا طالب فلسفة يهودي , وجد أينشتاين فيه بغيته بحيث انه كان بيناقش معاه أفكاره الجديدة وبيعرضها عليه ..

كان عنده صديق إسمه " ديفيد رايخنشتاين " بيقول عن زيارته لألبرت في البيت :
" كان باب المنزل مفتوح كي يسمح للأرضية التي مسحت للتو , والثياب المعلقة في الردهة بأن تجف . وحين دخلت غرفة أينشتاين وجدته يجلس في جانب الغرفة يهز مهد الطفل بيد , وفي اليد الاخري يمسك كتاب مفتوع , وفي فمه سيجار من نوع ردئ جداُ , ومن الموقد كان ينبعث دخان كريه "
.
الصعوبات اللي بتقابلك في حياتك ماهي إلا إعادة تشكيل لشخصيتك , بتديك دافع إنك تكمل وتعافر علشان تبقي أفضل من اللي انت فيه ..
مفيش حد بيحقق حلمه بسهولة ياجماعة , لازم تتعب , تتعثر , تقف , تكمل , وتقع , ثم تقف مرة أخري لتكمل بقوة أكبر من الأولي ...
إوعي في يوم تلعن ظروفك وتتذمر من حالتك وتركن فشلك علي كلمة " الظروف مش مساعداني " وصدقني مش هتساعدك ..

أي حاجة بنعملها محتاجة صبر , صبر علي كل خطوة قررت تاخدها . لمجرد إنك قررت تاخد الخطوة دي يبقي انت عاوزها فابالتالي لازم تصبر ...

" أصبر وأخلق لنفسك ظروف تلائم عقلك وفكرك "

التسميات: , , ,

لا تيأس و لا تحبط لا حدود للطموح

الاملواحد هندي بيحكي قصته إنه أول ماالتحق ب  Indian Institutes of Technology
وأول يوم ليه في الجامعة قابل خريج قاله " متحاولش تجيب درجات عالية , لو عملت كدة مش هتلاقي وطيفة , خليك دايماً في المتوسط وممكن تلاقي وظيفة وإتنين "

بيقول في الوقت ده كان واحد من أوئل الجامعة بيملي إزازة المية بتاعته جنبنا , الراجل الخريج ده شاولي عليه وقالي " بص الشخص ده ؟ من أعلي الناس في مجاله , ولكن مش لاقي وظيفة "
بيقول الشخص المتفوق ده سمعنا ولكن في هدوء أخد إزازة المية ومشي لغرفته .
.
بيقول عملت زي ماقالي الشخص ده , كنت دايماً في المتوسط ودرجاتي مكنتش عجباني ومع ذلك إستمريت في إني أجيب درجات متوسطة . إلي أن حدثت " أحداث سبتمبر 9/11" في الوقت ده كل الخريجين فجأة جالهم إيميلات رفض من معظم الشركات اللي وعدتهم بشغل بعد التخرج .

في وسط الزحام والهيصة التعجبات اللي كانت علي وجوههم كان في شخص هادي جداً وقاعد بدون أي كلام , هو الشخص اللي كان دايماً بيطلع الأول .
.
جالي وسط الزحام وقالي عاوز من وقتك 10 دقايق بس , أنا استغربت إحنا متكلمناش قبل كدة خالص , وافقت ومشيت معاه وقدنا وبدأ الكلام
قالي خد إقرأ الإيميل ده كدة , لقيت مكتوب الأتي "  “Massachusetts Institute of Technology”. Congratulations! You are accepted for a PhD program. "
وقالي الكلمات دي اللي عمري ماهنساها :
" حاول ان تحصل علي درجات اللي بيها تعتز بنفسك مدي حياتك , متاخدش نصايح من حد , كلهم عاوزينك تبقي متوسط ولكن انا متأكد انك ممكن تعمل أحسن من كدة , من دلوقتي اقضي ساعات اضافية في المكتبة . السبب اللي بيخليني أقولك كدة هو إنك مش عارف ايه اللي ممكن يحصل في يوم وليلة .ممكن ياخدوا منك كل حاجة إلا حاجة واحدة هو مجهودك اللي بذلته وتعبك "

صاحب الإجابة بيحضر دكتوراة في جامعة واسكنسون ماديسون في الهندسة الكيميائية , وحالياً شغال مهندس جودة في Amazon.
......
أيوة حاول تجيب تقدير علي أد ماتقدر , سيبك من اللي بيقولك إن التقدير ملوش لازمة , لو قولت كدة يوماً ما فأنا بجد أسف جداً لأني كنت غلطان .
للأسف أنا معرفتش أجيب تقدير" جايب جيد 72%" لأني مكنتش بعرف أحفظ عندي مشكلة رهيبة , قلة تقديري وقفت حائل بيني وبين فرص كتير .. بس أنا والله حاولت

دي نصيحة للي لسة داخلين الجامعة , موت نفسك وهات تقدير , وساعد زمايلك وشجعهم .
ربنا يوفقنا جميعاً للصالح

التسميات: ,

لغز تكون الحياة فقد تولد المياة من الانفجارات

الحياة
يضرب البرق بشدة في السماء , تتفجر الحمم من البركين ويؤدي تصاعد الرماد إلي زيادة نسبة ثاني أكسيد الكربون , وفي ظل تلك الظروف تظهر الحياة من بركة صغيرة في شكل كائن وحيد الخلية
كيف ظهرت تلك الحياة ؟؟
.
داروين نفسه لم يقل إنه يفهم أصل الحياة بدقة , ولكن كل اللي قاله كان إفتراض بإن الحياة بدأت في بعض البرك الدافئة .
وفجأة ظهر العالمان جون هالدين و ألكسندر أوبارين سنة 1922 ووضعوا فرضية بتقول إن البرق في الجو الأولي للأرض عمل علي تكوين وحدات البناء الكيميائية للحياة .
وقالوا إم المواد الكيميائية اللي إتكونت في الجو ذابت في البحار القديمة وشكلت بما يسمي " حساء بارد ممدد " وبعدن ظهرت في الحساء ده الخلايا الحية الأولي ..
.
فرضية أوبارين وهالدين فضلت مسيطرة علي العلماء , وعند البعض هي الإعتقاد الصحيح في تفسير كيفية نشأة الحياة .. ولكنها في الأول والأخر تبقي فرضية ليس لها إختبار ..
سنة 1952 جه واحد إسمه هارولد يوري وقال إن الجو الأولي للأرض كان بيحتوي بصفة أساسية علي الهيدروجين والميثان والأمونيا وبخار الماء ..
.
سنة 1953 جه طالب دكتوراة إسمه ستانلي ميلر وقام عامل تجربة تجمع بين فرضة هالدين_ أوبارين  وهي دول البرق في تشكل الحياة , وفرضية يوري في إن الجو كان بيحتوي علي ميثان وأمونيا وهيدروجين وبخار ماء ....
.
ميلر جاب أنبوبة وفرغها من الهواء ووضع بدل الهواء ده ميثان وأمونيا وهيدروجين وماء , وبعدين سخن الماء فنتج بخار الماء وإختلط بالميثان والأمونيا والهيدروجين ( دا اللي قاله هارولد يوري ) وبعدين مرر خليط الغاز ده علي شرارة كهربية تحاكي قوة البرق ( اللي قاله هالدين_أوبارين ) ...
.
ميلر ترك الخليط قرابة إسبوع والأخر كتب ملاحظاته وهي إن الماء تعكر وتحول إلي أحمر داكن وإكتشف فيه بعض المركبات العضوية , ومنها الغليسين والآلانين ودول أبسط حمضين أمينيين في البروتونات , وكانت معظم نواتج التفاعل عبارة عن مواد عضوية لاتتوفر في الكائنات الحية ..
.

التسميات: ,

كن نفسك be yourself لتحيا حياتك

كن نفسك
أنا اتعودت مبصش لحد ولا أقارن أوضاعي المادية ولا العلمية ولا أي حاجة بأوضاع أي شخص لأن ده هيجيبلي إكتئاب ويحولني لنسخ من كل شخص عاوز أبقي زيه ..

يعني متقولش " فلان " عنده علم أكتر مني وبيتكلم حلو في الفيزياء يبقي لازم أقوله يجيبلي كتب وأتكلم أنا كمان في الفيزياء وأبقي مشهور .. ولا فلان معاه فلوس اكتر مني واتمرد علي أهلي وعلي عيشتي ...
كل شوية هتشوف واحد بيعمل حاجة كويسة وهادفة وهو مستمتع وبيلاقي إعجاب الناس وإستحسانهم هتبقي عاوز تعمل زيه , علشان الناس تحبك زيه ..

لكن هل إنت كدة فعلاً ؟؟
كل واحد فيه " حاجة خاصة " لازم يبحث عنها وينميها , ممكن تكون كويس في العلم يبقي إقرأ وخد كورسات واوصل لمكان محترم إتعلم فيه ..
ممكن تكون كويس في الإدارة وتبقي رئيس شركة ناجح ...
متحاولش تقلد حد لأنك هتتحول لكائن مريض مكتئب قاعد يحقد علي الناس والكره هيزيد في قلبك جداااااا لكل شخص ناجح ...
.
حاجة مهمة أخيرة ..

الحياة دي ياصديقي زي السباق كلنا بنجري فيها لخط نهاية واحد مع أهداف مختلفة والبعض متشابه , هتلاقي اللي بيجري جنبك  برجل واحدة وبيعافر وعاوز يوصل للنهاية , وهتلاقي اللي بيجري مثلاً " بعكاز " برضة وعاوز يوصل ..
وهتلاقي اللي بيجري جنبك بعربية هي ظروفه كدة وهيوصل قبلك عادي
الناس اللي بتحلكم عليكم من برة ليس عندهم شفقة علي أي شخص في السباق مش هيقول ده بعربية والتاني ماشي يبقي إديله امتيازات ..
لو انت بصيت للي راكب عربية وقولت " انا مالي  كدة مفيش عدل أنا منسحب " هيقولولك في داهية ... نظرتهم واحدة للجميع مفيش حاجة اسمها ظروف
.
اشغل نفسك بنفسك وسيب الناس في حالها وتمني الخير للجميع , وارسم طريقك كويس قبل ماتاخد قرار وتتحمل تبعيات اختيارك ياعزيزي ..

التسميات: ,

اتعلم تحط لنفسك هدف و عيش عشانه هيعرفك معني الحياة

التقدم
كونك عندك هدف بتسعي ليه وعاوز تحققه ده في حد ذاته حاجة عظيمة ، أيا كان الهدف حتي لو كان الهدف ده مثلا واحدة عاوز تتجوزها فهو برضة هدف بتسعي ليه وعاوز تحققه ..
انك تنام علي سريرك وعندك حاجة هتصحي تاني يوم عليها دي حياة لوحدها ..انك تخطط وترسم وتنفذ وتفشل مرة واتنين وتوصل الأخر هتحس اد ايه انك كنت مميز عن غيرك لما سعيت وجريت ورا حاجة انت عاوزها .

خلي عندك هدف يومي ، هدف اسبوعي ، او علي المدي البعيد بالنسبة لمستقبلك
مفيش هدف تافه ،البنت مثلا لو خططت كل يوم تتعلم طبخة معينة ده اسمه هدف ولو حققت ده هتحس بسعادة برهيبة لانها وصلت للي هي عاوزاه ..
انك تخطط تذاكر مادة وتخلصها ، انك تخطط تجري شوية وتعمل كدة ، كل دي حاجات هتسبب ليكم السعادة

الهدف ياجماعة حياة لوحده صدقوني
فكر في هدف وانت عاوز تبقي ايه او توصل لإيه وخطط كويس واسعي لتحقيقه وافشل مرة واتنين وهتوصل متقلقش
ساعد غيرك في طريقك وخد بإيده وافرح بنجاحه وتقدمه ..

ارجوكم محدش يسيب حياته رهن الصدفة ، متسيبش الظروف تخطط ليك مستقبلك وتفرض عليك حاجات انت مش عاوزها ،هتبقي حياتك جحيم لانك بتعمل حاجات بتسد بيها ثغرات اتفتحت عليك انت مش حاببها ولابتستمتع بيها .
استمتع بمزاجك قبل ما الحاجة تتفرض عليك وتندم.
حبوا بعض ياجماعة وساعدوا بعض

التسميات:

المكتشف الاول للمنشور الزجاجي الثلاثي المحلل للضوء

المنشور
روبرت هوك كان حابب شغل ديكارت علي  الضوء , فجاب منشور وحطه أمام شعاع من الضوء فتحلل الضوء لألوانه السبعة , هنا هوك يعتبر أول من إكتشف الخاصية دي للضوء بس للأسف , هوك فسر الإكتشاف خطأ وقال إن المنشور بايظ .
.
سنة 1672 إشتغل نيوتن علي الضوء وحط منشور تاني بعد المنشور اللي بيحلل الضوء لقي الضوء اتجمع تاني , فقال لأ دي تبقي خاصية في الضوء نفسه
مش خطأ في التجربة .. في نفس الوقت قدم أبحاثه ده للمجتمع الملكي , هنا انتفض هوك وقال ان نيوتن سرق أبحاثه في الضوء , إضطر نيوتن انه يسحب الأبحاث تاني  وقرر عدم نشرها .
قرر نوتن اعتزال كل المناقشات العلمية والمجتمع الملكي نهائي , وكرس كل وقته لدراسة اسرار الكيمياء وكيفية تحويل المعادن الرخيصة لفضة , وحل الغاز الكتاب المقدس وتحدد موعد عودة المسيح . قضي نيوتن في الفترة دي حوالي 10 سنين من عمره ..
.
سنة 1684 كان هوك و رين و هالي قاعدين في قهوة بعد اجتماع الجمعية الملكية وناقشوا موضوع حوكة الكواكب حول الشمي , وأكيد في قوة من الشمس بتحكم الحركة دي وأكيد في قانون للحركة , هنا أتكلم هوك وقال إن الحركة هتبقي " إهلليلجية " فطلب هالي منه القانون قاله حاضر هكتبه وأجيبهولك .
في نفس السنة ذهب هالي لزيارة نيوتن لأول مرة  في بيته ودار بينهم حوار سطره ديموافر علي لسان نيوتن :
سأله هالي : يه هو شكل المدار للكواكب حول الشمس طبقاً لقانون التربيع العكسي ؟
رد نيوتن لحظياً : إهلليلجي
هنا استغرب هالي وقاله انت عرفت منين : قاله لأني عامل الحسابات دي من حوالي 5 سنين
طلب منه هالي الحسابات ووعده نيوتن انه بيعتهاله , نيوتن قعد حوالي 18 شهر في تردد يبعت الحسابات لهالي ولا لأ , لأنه كان خايف يعمل فيه زي هوك , وفعلاً أرسلها لهالي , وطلب منه هالي يكتب كتاب وصد ر الكتاب عام 1687 لي نفقة هالي الشخصية .
 .
سنة 1677 أرسل عوتفريد لابينتس لنيوتن عدة خطابات فيها بعض الأسئلة عن التفاضل , في رد نيوتن علي الخطاب التاني قرر يرد بشفرة علشان لابينتس ميفهمش إكتشافه وقاله :
الموضوع ده سهل جداً بس للأسف مش هقدر أوضحه ليك دلوقتي لذلك كتبته في الشفرة دي
6accdae13eff7i3l9n4o4qrr4s8t12ux.

المشكلة ان في الوقت ده ولا غوتفريد ولا نيوتن كانوا نشروا في التفاضل حاجة , يعني لو كان نيوتن بعت اكتشافاته في التفاضل لغوتفريد كان زمان ليه الأسبقة في الإكتشاف بس كللعادة كان خايف , وده أدي لنزاع طويل أصله :
من إكتشف التفاضل , نيوتن ولا غوتفريد ؟
.
ده تحقيق حبيت أكتبه بس , مش عارف ليه

التسميات: ,

مليش دعوى !!! كلمة تحوى فلسفة فاشلة

مليش دعوة
في 30 مايو 2008 في ولاية هارتفورد , كان في راجل كبير إسمه " أنجل توريس "  راجع من السوبر ماركت وفجأة عربة خبطته وجريت ,  المشكلة إن الشارع كان مزدحم جداً بالناس , بس مفيش ولا واحد فيهم فكر يساعده ولا يعرف ماله !! :( :(
المشكلة إن العربيات اللي كانت معدية كانت بتتجنبه وتمشي بعيد عنه وهو مرمي علي الأرض .. !!
عالم النفس " جون دارلي " كان بيتعشي مع صديقه في المهنة " بيب لاتين " =D  فلما قرأوا عن الموضوع إفتكروا حادثة مشابهة للحادثة دي وهي لما سيدة ماتت سنة 1964 بسبب طعنها أكثر من 38 طعنة , وكان ممكن حد يلحقها بس محدش من الناس اللي كانوا واقفين قدم المساعدة ليها لحد ما ماتت للأسف :( :(
.
فلما حاولوا يفسروا الموضوع , قالوا إن الموضوع ده بيتحكم فيه سببين :
السبب الأول :
لازم تكون شايف الموضوع خطير بالنسبة ليك علشان تتدخل وتساعد الشخص اللي في خطر , يعني لو شوفت واحد نايم علي الرصيف هل إنت هتفكر غن الشخص ده عاوز مساعدة !! بالذات غن في ناس كتير جداااااا مروا من جنبه ومحدش ساعده فإنت ممكن تقول إن ده واحد مخمور مثلاً , أو هزار من أي نوع ....
فإنت لما شوفت الناس دي كلها محدش تدخل فغنت تلقائي بتفترض إن الموضوع مش خطير ..
الموضوع ده اطلقوا عليه إسم " الجهل الجماعي Collective Ignorance  "

وده نفس اللي بيحصل معاك في المحاضرة =D =D  أول ما الدكتور يخلص ويسأل " هل حد عنده سؤال ياولاد ؟؟ " إنت بتستني حد يسأل علشان تقنع نفسك إنك مش لوحدك اللي مفهمتش , ولو محدش سأل إنت هتخاف تسأل .. وممكن يكون نص اللي قاعدين زيك مستنيين حد يسأل ..
وهنا قرارات الجماعة ونظرتهم تؤثر علي الفرد
.
السبب التاني :
وجود الأخرين بيكون عائق في تقديم المساعدة , يعني لو انت كنت مع نظير إمبارح وعمل حادثة وتاني يوم لقيته اتوفي لأن محدش ساعده , فإنت هتقول " ربنا يرحمه والله , بس مش انا السبب دا كان في ناس كتير خالص غيري "
أطلقوا علي الظاهرة دي إسم " توزيع المسؤلية " بحيث ان وجود أشخاص كتير بيدفعك تحس بمسؤلية أقل .

التسميات: ,

امك ثم امك ثم امك حتى اخر يوم في عمرك

الأم
حتي الامر كان كدة بالنسبة للعلماء ، كانت الام ليها دور عظيم في حياتهم ، في نشأتهم وحبهم للعلم ودفعهم للأمام .
توماس أديسون قال في كتب من سلسلة عباقرة العلماء " لقد صنعتني أمي, لأنها كانت تحترمني ،و تثق بي أشعرتني أني أهم شخص في الوجود, فأصبح وجودي ضروريا من أجلها ،و عاهدت نفسي أن لا أخذلها كما لم تخذلني قط !! "

كل شئ هتعمله من مساعدتك للناس هتلاقيه والله ، انا والله ماسألت الله شئ الا وأعطاني إياه ، أيا كان الشئ ده فربنا بيعطيني إياه . حتي لو وقعت في مشكلة او عاوز اخلص ورق بلاقي اللي يعرض المساعدة من غير مااطلبها ،

اللي عاوز أقوله
رفقا بوالديكم فهما من يعطيان معني لحياتك ❤❤
ساعد الناس واوعي تستني مقابل حتي لو شكر ، ساعد لوجه الله ، كل ماتعطيه فهو رد ❤❤

صدقني حاجة مش كويسة انك تعلي صوتك علي والدتك او والدك او حتي تدقق فيهم النظر .دا كنز مش هتحس بقيمته الا لما يروح منك . ارضيهم بكل ماتملك بنفسك ،بوقتك ،بمالك ،بكل حاجة .
ادعي انك تكون ابن او بنت بارة وترد جزء من اللي هما عملوه ليك..

التسميات: , , ,

يخرج من الجافي حلاوة

النجاح
في سؤال علي Quora بيقول " هل حدث وفشل شخص في MIt  "

ردت بنت بـ " فشلي في MIT  كان أعظم ماحدث لي في حياتي " وقالت قصتها

كان الترم الأول لي في MIt  رائع , لدرجة إني جبت +A  في كل المواد . الترم التاني كان كويس ولكن جبت في الكيمياء العضوية B  .
مكنش عندي أدني فكرة عن " أنا عاوزة أكون إيه ؟ " لم أكن أملك أي حلم ولا أي هدف في حياتي . كان والداي عاوزيني أكون دكتورة زيهم .
في الترم الثالث ليا جبت D  في الجبر الخطي وكل المواد كذلك , دخلت في حالة فتور وبدأت اقلل حضور للمحاضرات وألغي كل حاجة , بدأت ازيد في وقت نومي وكان عندي اعتقاد دائم ان ك اصدقائي افضل مني .
في الترم الرابع ليا جبت F في مادتين وأخدت تحذير ..
.
في الترم الخامس ليا توقفت نهائي عن الحضور ولم أعد أغادر سريري سوي لحضور صف الرقص والغداء مع زملائي ودايماً كنت اتظاهر بأن كل شئ بخير . وبعدها كالعادة أغادر لسريري .
كذيت علي الجميع , علي نفسي , علي أصدقائي , علي والداي اللي كانوا بيعتقدوا ان انا بجيب A  كل ترم كالعادة . كنت خايفة انهم يقولوا عليا فاشلة ومش اد المسؤلية .
.
 أخيراً قررت ترك MIT  وقررت أعرف والداي اني فشلت , أخبرت والدي وطلب يشوف درجاتي , أرسلتها إليه ودخلت غرفتي وانتظرت جالسة وراء سريري , منتظرة الاسوأ .
دخل والدي عليا وأجلسني وبكي , فقط بكي :( :( .
تاني يوم أخدني ووالدتي لمدرسة الفنون وتوسلوا موظف القبول لحد ماتم قبولي , كنت مصابة بإحباط رهيب إني فاشلة جداً ولم تسر الأمور بخير , لدرجة انهم حذروني ان الترم ده أخر فرصة ليا والا هيتم طردي .
.
قررت حضور " صف البيولوجي " بجانب الدراسة في مدرسة الفنون , قسمت وقتي بين البحث العلمي في البيولوجي وبين الدراسة . كنت أقضي 36 ساعة اسبوعيا في البحث العلمي , الموضوع كان مرهق ولكن كنت سعيدة جداً .
أخيراً إكتشفت اللي انا عاوزاه , أريد أن أكون عالمة . أخيراً إمتلكت هدف , اكتشفت ان الانسان مش مجرد درجات , فشلي في MIT  كان افضل ماحدث لي .
اتخرجت بعد 5 سنوات بدرجة امتياز مع مرتبة الشرف , حالياً أدرس الدكتوراة في " علم الأعصاب "
.
كن ممتن لفشلك ..
ابحث عن ذاتك بشويش خالص وبهدوء وإيال تكون نسخة مكررة من شخص . أكيد ربنا عز وجل أعطاك نعمة لم يعطها لغيرك إبحث عنها وشوف موهبتك وشغفك فين ونميه وارضي شغفك دوماً , واياك تخاف من كلام الناس .

انت مش فاشل , انت اتحطيت في ظروف غلط :)

التسميات: ,

لا تؤجل عمل اليوم الى الغد


الوقت
في الحقيقة كلنا عارفين احنا عاوزين ايه كويس أوووي ,
 وعارفين إيه اللي ورانا ولازم نخلصه ,
 وعارفين عواقب التسويف كويس أوووي , 
وعارفين ومدركين سرعة الوقت الرهيبة , 
وفاكرين نفسنا أول السنة لما حطينا ليست طووويل نعمله ومعملناش أي حاجة منه بإعتبار ان السنة طويلة وأهي خلصت :) :) .

كلنا بيفضل المكافآت السريعة , الشعور الوقتي باللذة , هل أذاكر للأيلتس اللي همتحنه في شهر 3 ولا أتفرج علي فيلم دلوقتي وخلاص ؟ هتختار الفيلم بإعتبار ان شهر 3 لسة عليه بدرررري , 
المذاكرة , القراءة , الـSaved posts و الـ bookmarks اللي انت مأجلهم لوقت الفراغ , هل فعلاً يومك مفيش فيه ولا أي وقت فراغ ؟ طب الفيلم اللي انت لسة منزله هتسهر عليه إيه نظامه !! 
مع اننا عارفين برضة اننا لو خلصنا إلتزماتنا دي كلها هنرتاح نفسياً , بتنام كل يوم وتبص للسقف وتوعد نفسك انك هتكون انسان جديد في الصباح الباكر , ومع كباية الشاي الصباحية تطير كل الأفكار والوعود بتاع امبارح 

المشكلة التانية هي إننا مثاليين جداااا , كونك منتظر انك تكون فااااضي خااالص علشان تبدأ تذاكر , أو تقرأ صدقني مش هتكون فاضي لأن الفراغ أو الفضي بالمفهوم بتاعك مش موجود ياصديقي .. لذلك اخلق وقت بقي 
ساعتين في اليوم مذاكرة علي الدوام كفيلة تخليك إنسان تاااني خااالص والله ,, النص ساعة قراءة في اليوم اللي انت مش عاوز تعملها لأنها مش كفاية حلوووة أوووي , هل انت جربتها , كل الحكاية انك شايفها مش كفاية !! ليه ؟؟ 

جلد الذات برضة من أكبر المشاكل اللي ممكن تقابلك , تضخيم المشكلة أو الذنب أو التقصير والمبالغة مش حاجة كويسة .. 
اليوم فات من غير مذاكرة وقراءة , خلاص كبر دماااغك هو فات وخلاص , بلاش تقعد تقول :" أنا فاشل , أنا معملتش حااجة النهاردة مش هوصل , انا خسارة فيا الأكل , هضرب نفسي حقنة هوا في ال،&$#* " عادي ياعم خلاص .. 
المشكلة انك بعد جلد الذات ده , بتعدم نفسك بالمثالية , بتحط مليون حاااجة تعملها اليوم التالي , ومبتعملهاش كلها وتبدأ تجلد نفسك تاااني , وهكذا بقي كل يوم .. 

إحنا محتاجين حد يمسكنا من رموشنا ويقولناا فووووقوااا ياااجدعاااان 😂 😂 😂  فوقوا وبطلوا تسويف , ومثالية , وجلد نفس .. 
إحنا مدركين بس مغيبين 
مساء الفل

التسميات: ,

ماري كانت ظاهرة جميلة...

مارى كورىسنة 1920  عندما سُئلت ماري كوري عما تتمنى قالت " جرام من الراديوم أتصرف فيه كما أشاء "
مع إن هي اللي اكتشفت الراديوم ولكنها لم تملك منه شيء ، كان فيه حوالي 150 جرام فقط  موزعين على كل المستشفيات ومراكز البحث .

في 20 مايو 1921 وقف الرئيس الأمريكي وارن هاردينغ في ردهة الاستقبال في البيت الأبيض ومعه سفير فرنسا وأعضاء وزارته وقابل إمرأة نحيفة مرتدية ثوب أسود وقال لها :
"  كان من حظك أنك قمت بخدمة خالدة للانسانية ، وقد عهد إلي أن أقدم لكِ هذا القدر الضئيل من الراديوم فنحن مدينون لك بمعرفتنا له وملكنا إياه . لذلك نرفعه إليك واثقين أنه وهو في حيازتك لابد أن يكون وسيلة لتوسيع نطاق العلم وتخفيف ألام الناس "
وتلك كانت ماري كوري



التسميات: ,

الجرجير Arugula يقضي علي فيرس سي

جرجير
الجرجير Arugula يقضي علي فيرس سي
.
أكد مجموعة من الباحثين في جامعة هارفرد أن الجرجير يشفي نهائياً من فيرس سي , وقال الدكتور ستيفن مارك Steven Mark رئيس المجموعة " لقد وجدنا أن الجرجير له قدرة عجيبة علي القضاء علي فيرس سي , وقد تأكدنا من ذلك علي بعض الحالات التي اختبرناها قبل وبعد العلاج بالجرجير "

وفي إحدي كلماته علي منصة TED قال دكتور ألبرت هوفمان Albert Hofman  أنا أؤمن الأن بمقولة المصريين الرائعة  " لو عرفت الست أهمية الجرجير , كانت زرعته لجوزها تحت السرير " 😂😂
.
الكلام حلو صح ؟! بس كله غلط وأنا نصاب أقسم بالله ومحصلش منه حاجة 😂 😂😂😂

في دراسة في 2008 نشرت في دورية Journal of Cognitive Neuroscience أشارت أن الناس سوف يصدقون التفسيرات الزائفة بسهولة اذا اقترنت هذه التفسيرات ببعض الكلمات التقنية والمعلومات المزخرفة .
زي مثلاً إما أقولك :
" تشير العينات التي أخدناها من كبد المرضي المصابين الذين تم شفائهم ان الفيروس تم القضاء عليه بسبب مادة الـ Nematode
التي لها القدرة علي مهاجمة DNA  الخاص بالفيروس "
كدة انت لازم تصدق , لأني زنقتك خلاص 😂😂😂😂
.
ده بالضبط اللي بيحصل ياجماعة في أي معلومة غلط بنشوفها , في أي حاجة عاوزين ننسوق ليها وهي غلط , في أي حاجة لجريدة " المصري اليوم " والهبل اللي بتسوق ليه تحت مسمي علم ..
الحاجات اللي بينشرها " كفتجية مواقع التواصل " طول اليوم ويقرفونا ويخلوا الواحد يقعد يبحث طول النهار علشان بس يتأكد من صحة القرف اللي اتنشر .

إضفاء نزعة فلسفية علي الأمور وهتبقي الدنيا زي الفل , 20% فقط من إجمالي القارئيين لتلك المقالات يطلبون المصادر والمراجع الخاصة بالموضوع .
.
إذا أردت أن يصدقك الناس , فلتضفي نزعة فلسفية علي موضوعك

التسميات: ,

جميل انك تفهم حالتك او انت بيحصلك كدة لييه وتبدأ تعالج نفسك رويداً رويداً

مدمر
السؤال اللي دايماً كنت بسأله لنفسي ليه مخرج أي عمل مضحك زي " راجل وست ستات او friends" مصمم يحط صوت ناس بتضحك علي الرغم اننا مبنحبوش ؟ وكنت بحتار بجد .

ذكر عالم النفس تشالديني قصة واحدة اسمها " كاثرين جينوفيز" وهي سيدة تم قتلها في احدي شوارع مدينة نيويورك سنة 1964 بيقول علي الرغم مم ان القاتل هاجمها 3 مرات طول نص ساعة كاملة وهي بتصرخ وبتستغيث بالناس وعلي الرغم ان كان فيه حوالي 38 شخص في المكان الا انه لم يتحرك أي شخص لإنقاذها .
وفسر ده بما يسمي " الدليل الاجتماعي social proof" بمعني ان الناس محتاجين يشوفوا غيرهم بسعمل الحاجة علشان يرتاحوا ويعملوها هما كمان ..
بمعني ان كل واحد من اللي واقفين مستني التاني يتحرك علشان يتحرك هو كمان وينقذ الست دي .

حتي في الانتحار ، سنة 1978 انتحر حوالي 910 شخص من طائفة اتباع معبد الشعب في مدينة جونزتاون في أمريكا ، الواقعة دي مشهورة وممكن يتخللها تأثير ديني ولكن مع أول شخص شرب السم دفع الباقي لشربه .
في التسويق بيستخدم الدليل الاجتماعي للاقناع ، 99.999999999 ينصحون بمعجون أسنان ام حسن .
بنصح كل الأمهات بصابونة خد في ايدك وما الي ذلك بقي 😂😂😂😂

وبيحصل معاك شخصياً في مواقف
الراجل بتاع كبدة الكلاب اللي علي اول الشارع اللي بيقف عليه نص مليون واحد ويخليك تقول يعني هي جيت عليا اما اشتري منه ..😂😂

في المحاضرة بتخاف تسأل وتستني حد يقوم يسأل علشان تعمل زيه وتسأل الدكتور انت كمان .

في المذاكرة لو لقيت الناس كلها مبتذاكرش انت كمان مبتذاكرش وبيبقي عندك راحة نفسية وطمأنينة جميلة اوووي لحد ماتلبس ..

جميل انك تفهم حالتك او انت بيحصلك كدة لييه وتبدأ تعالج نفسك رويداً رويداً
فإشطة يعني

التسميات: ,

السبت، 17 نوفمبر 2018

هذه المقالة ستغير حياتك

كل واحد فينا مر بتجربة ممكن كانت وقتها مرة أوي بالنسبة ليه
⬅️فى اللى حاول ياخد شهادة ومعرفش
⬅️ فى اللى حاول يكسب قلب حد بيحبه من جوه قلبه ومعرفش
⬅️ فى اللى لم تحويشة عمره كلها وحطها فى مشروع وخسر.
فى البداية كان مفكر النجاح لقمة سهلة
كان شايف كل حاجة بيعملها صح، كان فاكر إنه هيغمض عين ويفتحها هيلاقي كل حاجة إتغيرت للأحسن
و لكن فوجئ إن كل أحلامه بتنهار قدام عينيه 
يأس وإحباط..
حس إن الوقعة دى نهاية الحياة، وإنه فاشل وعمره ما هينجح洛ومع كل إخفاق جديد كان الإحباط بيزيد جواه أكتر ورمى كل حاجة ورا ضهره و استسلم .
✋ولكن فجأة وقف مع نفسه وفكر إن فشله ده ممكن يكون أكبر سبب لنجاحه، وبدأ يقبل شروط الحياة للنجاح، وبدأ يحاول ويطرق كل باب ومها اتقفل فى وشه أبواب،
ميأسش، متكسرش، مستسلمش، محسش إن الوقت⏰ راح، محسش إنه اتأخر، وقرر يحول الوقعات لأكبر سبب نجاحه مهما حاول ووقع وفجأة اتغير كل شئ
أيوه أنت! أنا بكلمك أنت!❗️
أنت بطل القصة دى!❗️
أنت تقدر تنجح!❗️
⚡️ أنت تقدر تحول كل عقبة قابلتك من صخرة بتسد طريقك لسلمة تطلع عليها لفوق وبدل ما تستنى إن حد يساعدك ويمد لك إيده، وبدل ماتدور على حد ياخد بإيدك هما اللى يجولك عشان تساعدهم ✊
✋صدقنى هتقدر و تفــرح يوم لما تفتكر كل المعاناة اللى عانيتها عشان تخرج من أزمتك بعد مابقيت إنسان ناجح
شباب كتير أوي حاسس إنه فاشل، اتظلم، والدنيا ظلمته، وحاسس إن أحلامه ضاعت.
❓أنا فشلت فين.. فشلت فى الدنيا
كان نفسي أتعين في الكلية ومتعينتش!
كان نفسي اشتغل في وظيفة معينة ومااشتغلتش!
❣كان نفسي اتجوز واحدة حبيتها و مااتجوزتهاش !
 إيه الحل يا جماعة لإن الموضوع ده ممكن يجيب إكتئاب وممكن يجيب إحباط، وممكن يؤدي لإنتحار بعد كده و العياذ بالله !
1⃣ أول حل إنك أنت تخلع النضارة السوداء:
مين قالك أن ده فشل أصلا⁉️
❌أكبر فشل في الحياة أو الفشل الحقيقى إنك أنت متدخلش الجنة
وعلى فكرة فشلك هو بداية نجاحك، بل الفشل أحد مكونات الخلطة السرية للنجاح.
 واحد مدير كبير صاحب شركة عالمية سألوه أنت جيبت العبقرية دي منين، قالهم: قرارات ناجحة، قالوله: طيب جيبت القرارات منين، قالهم: خبرة، قالوله: طيب جيبت الخبرة منين؟ قالهم: قرارات فاشلة
أنا حاولت وفشلت، أنا حاولت ووقعت كتير
مفيش فشل فى الحياة غير الذنب ولو واحد وقع فى الذنب 1000مره وتاب إلى الله قبل ما يموت بلحظة ربنا يتوب عليه
☝️إذا كان أعظم فشل في الوجود ربنا ما اعتبرهوش فشل
ومخاطبش صاحبه ياأيها الفاشلون
ولكن قال (‏‏قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)
️ده اسمه مش فشل ده اسمه إخفاق والإخفاق عند الله اسمها جهاد
أنت بتاخد حسنــات، لأن كل محاولة بتقع فيها أنت مثاب عليها من الله مادام وقعت وكملت تاني
على فكرة ياجماعة أنتوا بتبصوا على آخر مشهد بس.
مشهد الوقعة، إنما لو بصيت من الأول هتلاقي نفسك حاولت وأخدت قرارات واشتغلت وخططت، وإيه يعني في الآخر وقعت؟❓ قم تاني وبإذن الله ربنا هيوفقك
☝️ اوعى تستسلم للفشل وحاول من تاني.
☝️اوعى حد يقولك يافاشل يافاشل،
☝️أوعى تسمح إن الكلمة دي تحطم ثقتك في نفسك، اللي هو الخير اللي ربنا حطه جواك وتقدر تنجح به.
أنت مش فاشل❗️ تعميم الفشل جريمة
◀️ الحاجة الأولى : ده مش فشل
⏪ الحاجة التانية: مفيش حد فاشل في كل حاجة،
مش لإنك فشلت في مادة ونجحت في عشرين تبقي فاشل
 تالت حاجة مين قالك إن دي نهاية الحياة، ما يمكن بعد الفشل ده تقوم وتبقى أنجح انسان في الدنيا كلها.
مين قالك إن ربنا مش شايلك حاجة كبيييرة أوى
لما سيدنا موسى عليه السلام فزع من خرق الخضر السفينة، مش يمكن يكون كل خرق فى سفينة حياتك لطف ربنا بيك.
樂مين اللي قالك إن ده مش خير كبير أوي، وربنا بيدخر لك خير أنت لا تتخيله
الصبر

الجمعة، 16 نوفمبر 2018

الثائر

وحيد
انا الثائر وحدى و من سواى
اطوف في الازقة كاتما عن الناس اذاى
نازفا قلبي و محترق بالنداء
و صارخة شفتاى و مسالة دماى
ايا قوم قدموا الثناء
فجارحا انا لحروفي لافديكم بالدماء
اطوف في الشوارع سارحا كاننى الشقاء
لا اعلم ان كنت باحثا ام واجدا ام قد ضيعت عمرى في الفناء
ابحث عن امجاد و اضيع احلام قد باتت لها مشققة عيناى
سائر في الدرب وحدى و قد يواسينى  الشجر
و لكنه معي باحث حتى يلقاه المطر
و منى قد يضحك القمر
الم ترى كم من امثالك لامثالى قد عبر
و انت مازلت ناظرا الى ذاك الحجر (الهرم)
افق فمنهم قد نال الزمان و قد عثر
فاترك ها هنا وحدي الى ان لا يسمع لى خبر

التسميات: ,

الخميس، 15 نوفمبر 2018

مميزات شاشة ال liquid retina

liquid retina
عرفت ان الـ Iphone XR نزل بشاشة Liquid Retina المختلفه عن شاشة الXS و الـ XS MAX :D بس استنى كده هو ايه الليكويد ريتينا دى بتعمل ايه يعنى؟ تعالى اقولك يا معلم :D
هو فى كذا اختلاف بين الشاشة دى و اى شاشة LCD لكن انا هتكلم عن الحاجات اللى ممكن نعتبرها حلوة فعلا و تتلاحظ زى نظام إدارة الألوان المتطور و ده بيساعد بشكل كبير جدا فى انه يوصلك الوان طبيعية مش فاقعه ولا السايوريشن فيها مش مظبوط .. لا الالوان طبيعية مظبوطه..
مش حاجة جديدة على شاشات الريتينا انها تبينلك الصورة بشكل نقى متشوفش بيكسلات الشاشة كأنك بتشوف صورة مطبوعة مش شاشة موبايل لكن الوضع محسن بشكل اكبر فى شاشة الـ XR علشان يقدملك واقعية اكتر و انت بتعرض اى حاجة عالموبايل.
فى مستشعر اسمة True Tone ده بيظبط اللون الابيض و الاسود حسب الحرارة المحيطة بحيث انك فى اى ظروف تشوف الالوان دايما طبيعية و هادية مريحة لعينك ..
شاشة الـ Iphone XR حقيقى هى شاشة كويسة جدا بالنسبة لشاشة LCD لكن بالنسبه لسعر الموبايل فمش منطقى اصلا تكون الشاشة LCD فعلى قد ما الموضوع حلو و الشاشة محسنة لكن اقل عيب ممكن اقولة فى الشاشة ان دقتها محصلتش الـ 1080P متقدرش حتى تشوف الفيديوهات الـ FHD عليها ..
كدة موضوع انهاردة خلص ..

التسميات: , ,

ازاى تشترى موبايلك المناسب ليك و لاستخدامك

محتار
طبعا كلنا الايام دي في مننا عاوز يشتري تليفون او حد قريبه عاوز يشتري او جاره او او او
ومبنعرفش نختار وبنحتار من كتر  الاجهزة الي موجوده في السوق حاليا
ومبنقدرش نميز اذا كان التليفون هينفعني ولا لا
طب تعالو نشوف اية المعايير الي نقدر نختار التليفون حسب استخدامنا وحاجتنا ليه
ودي بعض الحاجات الي مفروض نشوفها في التليفون قبل ما نشتريه
ونبحث كويس جدا عنها
– الشاشة
– البطارية
– الكاميرا
– الميموري
– المعالج
– دعم التطبيقات
1- الشاشة
قبل ما تشتري التليفون لازم تشوف الشاشه ونوعها وتشوف العيوب قبل المميزات الي فيها
وتحدد انهي انسب ليك وتشوف حجم الشاشه
يعني مثلا لو عاوز شاشه كبيره مش هتجيب تليفون هتجيب تاب بس حط في دماغك ان حجمه ووزنه مش هيبقي زي حجم ووزن الفون العادي
ودي بترجع لاختيار كل واحد
2- البطارية
اكتر حاجه بتضايق اي حد وهو في مشوار بره ان البطارية تفصل
ودا لان سعه البطارية مش مكفية استخدامه اليومي
بس في حلول كتيره لحل الازمه دي زي الباور بانك مثلا
بس لازم عشان تختار بطاريه كويسة في الايام دي وتقضيك طول اليوم استخدام يبقي هتختار بطارية مش اقل من 3000 ملي امبير عشان متشحنش التليفون كتير
3- الكاميرا
ودي اهم جزء لبعض الناس في هذا العالم عشان السوشيال ميديا والي بتحتاج انك تلقط صور وفيديوهات ليك او لاماكن انت فيها وحابب تشاركها مع اصدقائك ويكون جودتها حلوة
اولا متختارش كاميرا اقل من 13 ميجا بيكسل ويكون فتحته العدسه صغيره
وكل ما تزيد امكانيات الهاتف هيزيد سعره اكيد زي مانتو عارفين
وفي ناس مبيفرقش معاها التصويير فجزء الكاميرا مش هيفرق معاه ف حاجه
4- الميموري
انت لو بتحب تحتفظ بالصور والملفات وكدا فتختار ذاكره كبيرة اما لو استخدامك متوسط اختار مساحه تكون 32 جيجا او 64 جيجا
5- المعالج
المعالج فيه ناس كتير مبتهتمش بيه او بيختارو التليفون بناء علي ال 4 حاجات الي قولتهم فوق مع العلم ان المعالج اكتر حاجه بتزود اداء التليفون ويبقي سلس وخفيف معاك عشان تقدر تستخدمه بسرعه وميعطلش من كتر التطبيقات الي عليه فلازم تختار معالج قوي
6- دعم التطبيقات
في بعض التليفونات مبتدعمش كل التطبيقات عشان النظام الي شغال بيه ممكن يكون مش حديث مثلا ف تطبيقات بتشتغل علي اندرويد 7.0 وانت اشتريت تليفون فيه اندرويد 6.0 فقبل ما تشتري شوف نظام الاندرويد الي التليفون نازل بيه وتشوف الشركه الداعمه ليه هتفضل تدعمه وتبعت تحديثات تطور من اداءة ولا لا
يارب اكون قدمت كام نقطه كدا الناس تاخد بالها منها وهي بتشتري
وقبل ما البوست يخلص في موقع كدا تقدر تقارن من عليه وتشوف امكانيات التليفون قبل ما تشتري  وتقدر تقارن تليفونين وتشوف الفرق بينهم
https://www.gsmarena.com/
وكمان لو بتحب التقنيه تقدر تشوف احدث الاخبار من عليه
وياريت بعد ما تقرو البوست تقولو رائيكو والي عنده موضوع عاوزني اكتب عنه يكتب ف كومنت

التسميات: , ,

الخميس، 8 نوفمبر 2018

هاتف شاومى الجديد mi 8 pro

شاومى
كشفت شاومى مؤخرا عن النسخة ال pro من هاتفها mi 8 في منتصف سبتمبر و لكنه متاح فقط في بعض الدول التى اختارتها شاومى .
و ياتى الجهاز بمعالج من نوع snapdragon 845 soC و بذاكرة داخلية ١٢٨ جيجا بايت و متوافر نسختين منه احدهما ٦ جيجا بايت للرامات و الاخرى ٨ جيجا بايت ، و ياتي الجهاز مع بطارية بقدرة  3000 mAh .
كما انشات الشركة المصنعة فرعا لها بالمملكة المتحدة حيث اصبح الشراء مباشرة من قبل الشركة لا التجار او المندوبين ، حيث اقامت مؤتمرا لهاتفها في هذا الصباح .
ان كنتم ممن اشتروا الهاتف اخبرونا عن مميزاته و تجاربكم معه.

التسميات: , , ,

الأربعاء، 7 نوفمبر 2018

خواطر ادبية و شعر ارتجالى

منى قد تملك الشعر نفسا لن تدوم
و احزانى لها ازمانا خالدات فيها كالنجوم
تعبت روحى ما بين سياسة و حب
كنسر تائه في فضاء بعيد يحوم
اليوم مصرا و غدا محبوبة و نفسي مشتاقة
و انا بينهم حائر ساقط لا اقوم
مالك يا مصر لم تقدمى لى الا الشوك على الازهار
فلم تسل عبر الزمان الا دمائي
و ما زلت موهوما بحبك و على استعداد ان اضحي
 بخلودى ولكن ليس لى سوى فنائي
اتنتشين بالدمع و الحزن
و للفرح كارهة لم انفق عليك الا عنائي
قد سالت دمائي و جفت دموعي ما بين هنا و هناك و كم ذكرت ذاك في قصيدة او عناق
ليس لى ما اثمن منهما كي اوضح بغيرهما افتراق
فقد كنت حاسبا لالام القلب انها من العقل تنبع
كسائر الخواطر و الاحزان بها العقل للقلب يخدع
لا تعجبن يا سامعى فالوعى لعنة مزمنة بها الراحة تهرع
اما الان فقد خضت التجربة و صار قلبي بها يدمع
قد استحال الحب فى قلبي لألم من امل كان للاشجار يزرع
كان يرويها نهر من العشق فصار الان مجراه للبذور نازع
قد رفع ذكراك عاليا و اوصلك السحاب كما الجبال ترفع
لكن قد انهاروا جبالى و جفت انهاري على خطاكى مسرعة
قد رحلتى تاركة خلفك جسر ينبئ بالرجوع
قد ذهبت و فر معك ما كان ساكنا عندى خلف الضلوع
قد ذهبتى و انتهت رحلتنا بأنقط من رثاء بالدموع 

التسميات: ,

تختبر Gboard الكتابة الصوتية في وضع عدم الاتصال بالانترنت و وضع ال Sand لمطابقة Pixel 3

gboard
يتحدث الجميع عن Google Pixel 3 ، سواء كان جيد ام سئ. هذا هو أحدث هاتف رائد من Google ، وعلى هذا النحو له الأولوية على جميع الهواتف الذكية الأخرى التي تعمل بنظام Android في السوق . وباعتباره الهاتف الرائد في Google ، فلن يحصل فقط على أسرع التحديثات ، ولكن سيتم أيضًا تحديث تطبيقات Google بشكل خاص مع وضعه في الاعتبار. تختبر Google وضع "الرمل" الجديد تمامًا لـ Gboard الذي يطابق الشكل غير الوردي من Google Pixel 3 ، والأفضل من ذلك أنها تختبر دعم الكتابة بالصوت دون اتصال بالإنترنت. لاحظ أن Sand كان الاسم الرمزى لصيغة notpink

ومع ذلك ، فإن الكتابة الصوتية في وضع عدم الاتصال بالانترنت هي الموضوع الأهم هنا. سابقًا ، اعتمد هاتفك على اتصال بيانات ثابت حتى تتمكن من كتابة الرسائل عن طريق التحدث بصوت عالٍ. من المتعارف عليه أن معظم الوقت الذي تكتب فيه الرسائل النصية هو عندما يكون لديك اتصال بالانترنت ، ولكن هناك أوقات قد لا يكون فيها أحد هذه الرسائل. على سبيل المثال ، ماذا لو كنت تريد كتابة رسالة سترسل عندما يكون لديك اتصال؟ أو ماذا لو كنت لا تريد أن يتم إرسال بياناتك الصوتية إلى Google في المقام الأول؟ تتعهد الكتابة الصوتية في وضع عدم اتصال Gboard بعدم القيام بذلك.
كما ترون ، فإنه يعمل بشكل جيد بطريقة مذهلة. لا يشغل مساحة تخزين كبيرة سواء بسعة تبلغ 85 ميغابايت تقريبًا. هناك سبب لم تدفع Google هذه الميزة إلى الآن ، لذلك من المحتمل وجود أخطاء أو مشكلات أخرى.
نحن متاكدين  من أننا سنرى كلاهما قريبا. بالنسبة إلى الكثيرين ، ستكون القدرة على عدم إرسال بياناتهم إلى Google بمثابة هبة من السماء ، حيث إنه عند استخدام جهاز Android ، يبدو أن المستخدمين لا يملكون الكثير من الخيارات في الكثير من الوقت.

التسميات: , , ,