تشغيل تطبيقات الاندرويد على نظام الويندوز لأجهزة الكمبيوتر

اعزائى متابعي مدونة كيميتسون الكرام اليوم اقدم لكم اليوم شرحا جديدا عن تشغيل تطبيقات الاندرويد ذات الصيغة .apk على نظام الويندوز لأجهزة الكمبيوتر 

هناك طريقتان للقيام بتثبيت هذه التطبيقات و الالعاب على جهاز الحاسوب 

1. استخدام محاكي اندرويد لجهاز الكمبيوتر 
2. من خلال متصفح جوجل كروم الشهير 
3. بدون محاكيات الاندرويد 

اولا : باستخدام اشهر محاكيات الاندرويد لانظمة الويندوز 

عزيزى المتابع هناك الكثير و الكثير من محاكيات الاندرويد لتشغيل تطبيقات الاندرويد على جهاز الكمبيوتر فأشهرهم 

محاكي andyroid :

هو محاكي رائع جدا تقريبا خالى من الاعلانات و يتميز بالخفة و السهولة في الاستخدام فهو يشبه الهاتف الى حد كبير جدا و انا شخصيا اصنفه افضلهم لمساحته الصغيرة التى تقدر بحوالى 120 ميجا و تجدون رابطه هنا 

محاكي bluestacks :

محاكي جيد و قريب من السابق الا ان به الاعلانات المزعجة كما انه ليس مجاني دائما اذ انه يطلب منك تثبيت بعض التطبيقات او الدفع لازالة الاعلانات كما انه لا يشبه الهاتف كالمحاكي السابق و لكن يتميز بشكل جيد و مقبول و يمتاز ايضا بالخفة ف مساحته تقريبا 130 ميجا بايت يمكنك تصفح الرابط الخاص بهم من هنا

محاكي koplayer : 

محاكي جيد جدا و يمتاز بالتخصص و المهارة و يعتبر تقريبا هو الاقوى و الاشد بينهم و لكن لا تستطيع الاجهزة الضعيفة تشغيله اذ ان مساحته تصل الى 2 جيجا بايت في المساحة كنتيجة للعدد الرهيب من المزايا التى يقدمها يمكنك تصفح الرابط الخاص بهم من هنا

ان كان لكم اعزائي المتابعين تجارب مع محاكيات اخرى شاركونا تجربتكم 

ثانيا : باستخدام متصفح جوجل كروم 

عن طريق احدى الاضافات التى يقدمها المتصفح و يدعي ARC welder  و ساتابع معكم الشرح في الصور التالية 

و تجدون هنا رابط الاضافة 

بعد الدخول على رابط الاضافة قم باضافة هذا التطبيق الى كروم 

بعد انتهاء تحميل التطبيق الخاص بكروم و فتحه من خلال تطبيقات جوجل يظهر معنا بالشكل الاتى و نقوم باختيار تطبيق او ملف ال apk ليقوم هذا التطبيق بتشغيله 

ثالثا : بالنسبة للطرق الاخرى ساتابعها معكم في موضوع قادم ان شاء الله ...

ايه هو ال vpn و بيعمل ايه فوائد و اضرار و استخدمه ازاى

اعزائي متابعي مدونة كيميتسون للتكنولوجيا و المعلومات نقدم لكم اليوم موضوع قد يعتبرجديدا على جزءا منكم سنتحدث اليوم عن ال vpn

معنى vpn:

هو اختصار لمصطلح virtual private network  اى اتصال خاص افتراضي 

فوائد ال vpn:

نلاحظ معا اعزائي الكرام ان من مصطلحه هو اتصال  افتراضي كاذب اى انه غير واقعي يسمح لك بتغيير معلوماتك على شبكة الانترنت حيث انه يقوم بتغيير عنوان ال ip الخاص بك و يقوم بذلك عن طريق تشفير بياناتك المعروضة للانترنت فيسمح لك بزيارة مواقع قد تكون محظورة لبلدك و ايضا بجانب المستوى الامني المشفر يمنحك مميزات دول اخري غير بلدك فان مثلا كنت من مصر و استعملت ال vpn فيظهر مثلا انك من المانيا او اىدولة قد تقوم انت بربط الاعدادات عليها 

اما الكلمة التالية في المصطلح و هي private اى خاص فكما عرضت لكم مسبقا انه يمنحك اتصالا امنا و يصبح امنا لانه خاص فالخصوصية على الانترنت تمنحك الحماية ف مثلا ان احتاج احدهم الى اختراق معلوماتك الشخصية سيحتاج الى اختراق ال vpn الوهمي الخاص بك و ليس اختراقك مما يعطيه الاف بل و ملايين الاحتمالات ل من تكون انت على هذه الشبكة فبمعنى عامي 

انه مش هيعرف انت مين على الانترنت عشان يحاول يخترقك يعنى انت مش واضح قدامه ازاى بقا يخترق واحد ميعرفوش اصلا ؟؟؟

اضرار ال vpn :

في الحقيقة ال vpn الحقيقي ليس له اضرار ولكن تكمن عيوبه في طريقة الولوج او الوصول اليه فقد تنهار معه الحماية ان لم تعرف كيف و من اين تستخدمه ف مثلا استخدامك لبرامج او متصفحات مشبوهة و غير موثوق بها  تقدم ال vpn يجعلها تتجسس على بياناتك و تراقب استخدامك لتكون قاعدة بيانية عن مستخدمي هذا البرنامج او المتصفح و من ثم تقوم ببيعها لشركات تبحث عن معلوماتك فيعرض لك اعلانات تناسبك او قد يتجسسون عليك لذا وجب منا التنبيه عن هذه الاضرار و لذا فقد قمت بتجميع متصفحات امنه و برامج موثوق بها للاستخدام 

متصفحات تقدم vpn امن تماما:

• ExpressVPN. افضلهم على الاطلاق. ...
• TunnelBear سريع و صديق و امن جدا.. ...
• Windscribe. يقدم خطة مجانية مع معلومات . ...
• Hotspot Shield Free.اسهلهم في الاستخدام. ...
• ZenMateمجاني تماما و لا يحد استخدامك بقدر معين من السعة......

الاندرويد يقدم ال vpn:

يقدم الاندرويد العديد من الطرق لتفعيل ال vpn سواء من خلال برامج او من خلال اعداداته الخاصة فبدون برامج نتبع الخطوات التالية 

1. افتح الهاتف 
2. ادخل الى تطبيق الاعدادات الخاص بالهاتف 
3. اتجه الى قسم الاتصالات و شبكات ال wireless
4. اختار ال vpn 
5. قم بادخال بيانات الدولة التى ترغب في ان تتصفح من خلالها ال vpn 
6. اضغط حفظ 
7. يمكنك ترك ال vpn فعال دائما عن طريق ال ثلاث نقط الموجودة اعلى الشاشة
8. استمتع ب ال vpn  

برامج للاندرويد تقدم ال vpn :

 اكثرهم تقييما علي بلاي ستور.

1. NordVPN
2. ExpressVPN
3. CyberGhost
4. PIA.
5. Private Internet Access.
6. TunnelBear VPN.
7. TunnelBear's.

ازاى اعمل اى بحث علمى بدون DOI و من اعلى و اقوى جامعات العالم الحديث

(digital object identifiers) اوdoiإزاي انزل ورقة بحثية ببلاش ومش معايا

بس معايا إسم البحث ؟؟

m او وتحطه في خانة البحث وينزل ليك البحث مباشرDoi  بتاخد الــ Sci-Hubطبعاً كلنا بنلجأ لموقع ال. 

  وده الموقع من هنا 

 Doi بتاع البحث أعمل إيه ؟ في بعض الحالات مبكونش عارف أوصل للـ.

ده موقع بتكتب فيه إسم البحث أو المؤلف أو أي حاجة ليها علاقة بالبحث وهو هيجبلك الـ Doi بتاعها .
بعد متكتب اللي انت عاوزه وتضغط enter هتلاقي العنوان اللي انت عاوزه مكتوب كدة "https://doi.org/10.1038/s41598-017-14550-2 " هيبقي الـ Doi بتاعك من /org ...
تحطه في خانة بحث Sci-Hub هينزل معاك ..

ده الموقع : https://search.crossref.org/ 

.

طيب عاوز أعرف البحث ليه Open acces فين بالضبط ؟ 

   هروح هنا وأبحث بالإسم أو Doi وهيجبلي هو متاح علي ايه بالضبط

ده الموقع : http://library.uark.edu/screens/articlelink.html
.
الجميل بقي إنك كمصري ليك Open acces علي nature مدعومة من EKB
أول ماتدخل الموقع هو هيتعرف علي موقعك , لو جيت تسجل هتلاقي في خانة
الـ Affiliation/Employer هما كاتبين علي طول EKB-Public-Access
إستغلوا ياجماعة الحاجات الحلوة دي
https://www.nature.com/
هتلاقي قدام 90% من الأبحاث والمقالات علي الموقع مكتوب Open .. 

بتنسي بسرعة .....النسيان المؤقت اسبابه و علاجه

هو أنا كنت داخل الأوضة أجيب إيه ؟

.

فجأة وانت قاعد في أمان الله تفتكر إنك نسيت مذكرة في الأوضة , تقوم علشان تجيبها واول ماتوصل الأوضة وتدخل تنسي إنت كنت جاي ليه , وممكن ترجع تاني من غير ماتجيب الحاجة اللي انت عاوزها !!

برضة  زيها زي إما أمك تبعتك تجيب طلبات من السوبر ماركت وتنسي وانت هناك أول ماتوصل وتتصل تقولها أنتي كنتي عاوزة ايه ؟ 😂

وتقعد تقولك ايوة ما انت بتحب بقي علشان كدة بتنسي

للأسف ده مش حب ..

.

الحالة دي إسمها " Doorway Effect  " ومتخفش مهوش زهايمر ولا حاجة وحشة , دي بتدل إن عقلك لسة كويس كمان ..

في دراسة اتعملت في 2011 وجدوا ان " Doorway Effect " نتيجة لمجموعة من البرامج العقلية شغالة تلقائياً .

جابوا 55 طالب جامعي وخلوهم يلعبوا لعبة علي الكمبيوتر  الTask  بتاعها انه يدخل أوضه ويجيب صندوق في حاجة معينة , وأول مايدخل الأوضة يشوف الصندوق فيه ايه , وبعد مايخرج الكمبيوتر بيسأله " هل الحاجة اللي في الصندوق هي كذا ؟؟ "

بعدها عملوا التجربة في الواقع وسمحوا ليهم يشوفوا الصندوق مرة واحدة بس أول مايدخل الاوضة .. وكان بعد مايخرج بفترة من الأوضة بيسألوه " هل الصندوق ده فيه كذا ؟ "

ونتائج التجربتين كانت واحدة ..

.

معظم اللي عدي عتبة الغرفة ودخل في مكان ونظام جديد بيتطلب منه ذكريات وعمليات تذكر نسي إيه اللي كان في الصندوق , النظام الجديد ده fresh landscape for memory...

عتبة الغرفة تسمي ب  " Cut-off Point " أو نقطة انقلاب مثلاً من حاجة لحاجة تانية خالص .. 

والعملية محتاجة إنتباه بقدر كبير  , وللأسف العقل ميعرفش ينتبه لكذا حاجة في وقت واحد ..

.

ومفيش علاج للموضوع ولايمكن تجنبه , إلا لما وانت داخل تقعد تكرر " أنا داخل أجيب المذكرة . أنا داخل أجيب المذكرة " 😂😂

ازاى تنزل اوراق بحثية ببلاش في اى مجال و بطريقة سهلة جدا

بالنسبة لموضوع البحث العلمي .. وإزاي أنزل أوراق بسهولة .

.

قولنا قبل كدة إن أهم حاجة في أي ورقة بحثية علشان تعرف تنزلها هو الـ Doi بتاعها . ولو مش معايا الـ Doi ممكن أجيبه بطرق تانية كتير ..

اللينك أهو : https://kemetson.blogspot.com/2019/01/doi.html

.

طيب إيه المواقع اللي ممكن أنزل من عليها أبحاث ؟

.أنا وضعت ليست بيها قبل كدة

طيب أنا عاوز الـ Open access journals أجيبها منين ؟

الناس في Elsevier كتر ألف خيرهم عملوا ليست محترمة بيهم أهو

اللينك أهو : https://www.elsevier.com/about/open-science/open-access/open-access-journals

.

طيب أنا عاوز أعرف Journal Rankings أصل أنا عالم ومباخدش أي حاجة كدة وخلاص ؟

الناس في SJR محترمين عملوا لينا Ranking لجميع الـ Journals في كل المجالات وكمان حسب البلد ..

مثلا أنا عاوز أعرف Geophysics Journals ؟ هختار كلمة Geophysics وأضغط Enter هيجيب كل حاجة حسب الترتيب والبلد والإستشهاد وكل حاجة ..

.

طيب عاوز بقي محركات بحث حلوة كدة علشان أبحث براحتي مدورش كتير ؟

دي محركات بحث أنا كنت رافعها

اللينك اهو : https://kemetson.blogspot.com/p/blog-page_22.html

طيب ياجدع أنت مش واثق فيها ومش بتحبني 😂😂😂

دول 100 محرك بحث جمعهم الناس في teachthought للعلماء اللي زينا

اللينك أهو : https://www.teachthought.com/learning/100-search-engines-for-academic-research/

.

نسيت أقول لسيادتك إن ليك Open Access علي Nature

أول ماتدخل الموقع هو هيتعرف علي موقعك , لو جيت تسجل هتلاقي في خانة

الـ Affiliation/Employer هما كاتبين علي طول EKB-Public-Access

https://www.nature.com/

هتلاقي قدام 90% من الأبحاث والمقالات علي الموقع مكتوب Open ..

..

بالنسبة لقراءة البحث فهي سهلة جدا , نتكلم عنها في بوست تاني

المرة الجاية بإذن الله هاجي انزلك البحث وأقرأه وألخصه ليك حاضر 😂

ايمان العالم الشهير نيوتن و اعترافه بوجود الله

لما نشر نيوتن كتابه Mathematical principle of natural philosophy وضع فيه قوانين الحركة , مع ظهور الكتاب وانتشاره نشأ عن ذلك أول مفارقة عن نشاة الكون وهي الـ Bentley's paradox ...
وعلي الرغم من الشهرة الواسعة اللي تلقاها نيوتن من نشر الكتاب _ بمساعدة هالي_ إلا انه كان عارف ان نظرية الجاذبية كانت مليئة بالمفارقات .
.
سنة 1692 أرسل الراجل Richard Bentley  خطاب إلي نيوتن قاله :
" لو الجاذبية دائماً قوة جاذبة زي ماانت بتقول , وليس هناك أي تنافر , فإن أي تجمع من النجوم هينهار علي نفسه . ولو الكون محدود كانت كل النجوم إلتحمت مع بعضها في نجم واحد كبير بسبب قوة الجاذبية .. ولو غير محدود هتكون القوة المؤثرة علي أي جسم تسحبه لليمين أو الشمال والقوة دي هتكون غير محدودة وهيتم تمزيق الجسم "
للوهلة الأولي لما تقرأ الكلام ده هتقول إن "بينتلي " وضع نيوتن في مأزق , وعمله حتة لامس اكتاف من بتوع ممدوح فرج 😂😂😂😂
.
وبعد تفكير عميق وتفضيله فكرة الكون الغير محدود أرسل الرد .
نيوتن فضل فكرة الكون اللانهائي اللي بيخضع لتماثل كلي .
يعني لو تم سحب نجم من مجموعة من النجوم علي يمينه , قوة السحب هتتلغي بسبب وجود نفس المجموعة من النجوم علي الشمال , وبالتالي النجم هيستقر
أو زي ماقال نيوتن " All forces are balanced in each direction "
ده لو القوة الجاذبية دايماً جاذبة يبقي حل المفارقة هو الإنتظام والكون الغير محدود
..
نيوتن مكنش أهبل ,لأنه عارف ان ده حل ضعيف وهو بنفسه قال كدة في خطابه
بتفسير ينوتن ده بيضع الكون " رهن الصدفة " يعني أي تغيير مفاجئ في قوة الجاذبية لنجم واحد , كل النجوم في الكون هتنهار علي بعضها , والكون ينهار
.
وهنا لجأ نيوتن لوجود "القوة الإلهية Divine Power " وهي القوة اللي بتمنع الكون
من الإنهيار , وكتب قائلاً " Continual miracle is needed to prevent the sun and the fixt stars from rushing together  through Gravity "
نيوتن شايف ان الكون عبارة عن ساعة عملاقة , شغلها الإله في بداية النشأة وهتفضل شغالة دون تدخل منه , لوجود القوانين الثلاثة للحركة .
.
نيوتن كان دايماً كدة ياجماعة , يحركه إيمانه في المعضلات , كان كل مرة لايستطيع فيها تفسير أي ظاهرة كان بينسبها للإله .

انقراض اخر وحيد قرن ابيض على وجه الارض

الأيام اللي فاتت عرفنا إن أخر ذكر من نوع " وحيد القرن الأبيض " مات وبكدة النوع انقرض نهائياً , فلم يعد هناك وحيد قرن أبيض لتريه لإبنك الصغير ويقذفه بالحجارة وأنت تلقمه إياهها في حديقة الحيوان :)
.
خليني هنا أكلمكم شوية عن أد إيه ظهور الإنسان كان مؤذي لبيئته وكل اللي حواليه من نباتات وطيور وحيوانات وأي ابن كلب ماشي علي الكوكب 😄😄

ـ في أخر 500 سنة إنقرض حوالي 322 نوع من الطيور والحيوانات ,وزواحف وبرمائيات , و حوالي 2/3 من انقراض ال 322 نوع حصل في ال200 سنة الاخيرة ..
في أخر 35 سنة زاد عدد البشر تقريباً الضعف ,بمعدل الزيادة ده في 2100 هنكون حوالي 27 مليار كئيب علي الكوكب .
.
إلي الأن تم إكتشاف حوالي 1.9 مليون نوع حيوان , وحوالي 450000 نوع نبات  , من كل مليون نوع بيختفي من 100 لـ 1000 نوع سنوياً , بالرجوع بالزمن لـ 200.000 سنة ورا يعني قبل ظهور البشر وجدوا إن من كل مليون نوع اختفي نوع سنوياً .. " شوف التعليقات "
.
ــ وفي إحصائية أخري قالوا إن عدد الانواع اللي انقرضت من ظهور الإنسان حوالي 477 نوع وده في اخر 100 سنة بس .
المشكلة ان محدش يقدر يحدد تحديد دقيق لعدد الإنقراضات لأننا منعرفش عدد الانوع كام علشان تقدر تعمل حصر وفي وكامل للي إختفي .

دا أكتر من نصف الأنواع الموجودة إلي الان هي " حشرات " بما في ذلك حوالي 35.000 نوع " خنافس " 😂😂 إنت متخيل ..
لدرجة لما سألوا عالم الوراثة البريطاني جي بي اس هالدين عما استنتجه عن الخالق من دراسته للطبيعة قال :
" إن كان موجوداً فهو مغرم بشدة بالخنافس . "
.
العلماء بدأوا يكلموا الحكومات بالإسلوب بتاعهم اللي هو " بالفلوس " فعملوا حصر:
ــ حوالي 73% من الزيارات لدولة ناميبيا بتعتمد علي الطبيعة , بتدخل حوالي 14.3% من إجمالي الدخل القومي للدولة .
ــ مشاهدة الحيتان في أمريكا اللاتينية بتجني حوالي 375 مليون دولار سنوياً
ــ مشاهدة القرش في الولايات المتحدة بتجني حوالي 314 مليون دولار سنوياً , اللي هو تقدر توفر وظائف ل 10.000 شخص عاطل .
.
أدي الإنسان المؤذي لنفسه وللطبيعة ولكل اللي حواليه , وشوية كمان وهنأذي الكواكب اللي جنبنا عالطلاق وهتبقي أيامنا رنجة 😄😄😄😂😂😂😂

لا تتراجع عن افكارك و لا مبادئك امام الاخرين

المشكلة إننا بقينا نخاف من بعض , بقينا نخاف من تفكير بعض !! وأد إيه ممكن يظن فيك الناس ظن سئ لخير إنت عملته أو لفكرة إنت بتدافع عنها ..بقينا نفضل الصمت الأبدي

ــ البنت اللي في العشرينيات من عمرها اللي دخلت عليك المترو وانت قاعد وخوفت تقوم لمجرد إن الناس متفكرش إنك قومت علشان ؛ كما يقولون ؛ حكاك ..

ــ الكلام اللي نفسك تقوله للناس من زمان ولو حتي في بوست وكل يوم بتكتبه هنا

وتقعد تقرأ فيه مرة واتنين ولما تنزله مع أول واحد يهاجمك بتمسح الكلام فوراً وبتقرر تحتفظ بيه لنفسك ..

ــ حتي البنت اللي بتلبس لبس مش علي الموضة أعتقد هي الأخري أصبحت تخاف من نظرات الناس وقولهم " إيه ده دي الموضة دي انتهت , هو لسة حد بلبس كدة دلوقتي "

ــ حتي زميلتك في الدراسة اللي بتخاف تطلب منها حاجة في إطار الدراسة للدفعة المحترمة بتاعتك تقول عليك لفظاً " بتحبها " وخلاص كتبوهالك وممكن يسمولكم عيالكم كمان ..

ــ لو شوفنا ولد بيعاكس بنت في الشارع  بقينا نخاف نقوله " إحترم نفسك ودي زي أختك " ونقول بكل بساطة " ياعم وأنا مالي هو أنا ناقص "

ــ بقينا نشعر بالشفقة علي المتحرش لما يتمسك بجريمته ونشوف دموعه بنبدأ نترجي الشخص اللي سببله أذي إنه يسامحه , مع إنه قانوناً مجرم ويجب عقابه , وعُرفاً مجرم ويجب عقابه ..

.

إحنا شوهنا كل حاجة ياجماعة للأسف , عاداتنا تحورت بقيت قيود وتحولت لمخاوف والنخوة أصبحت " حك " .. بقينا نفكر كلنا  زي بعض اللي هو نفس ال 100 شخص اللي ماشين في الشارع في لحظة تحرش يقولوا " وأنا مالي " .... إحنا بنموت ببطأ

أتمني من الله ألا أُطيل المكوث هنا ...

حوار قصير عن الخيبة لا تجزع من رحمة الله

هو : مايبكيك ياصديقي

أنا : لا أدري مايبكيني ! هل أبكي علي ما أصابني من خيبة ، أم علي ما أخشي أن يصيبني من تلك الخيبة ؟

هو : وما الخيبة !؟

أنا : هو ذلك الشعور الذي يلازمك حينما لاتفعل شئ ! شعور دائم بأن كل ماتفعله ليس بشئ . يلازمك طيفا لاتري ملامحه وتتسائل أهذا أنا !؟

هو : حاول أن تتخلص من ذلك الاحساس

أنا : تقصد اللاشئ ! اللاشئ ليس بإحساس .هو مايلازمك حينما تمرض نفسك ،حينما تفقد الأمل ويأتي اليأس بمتاعه ليمكث بمنزلك قليلا ؛ يصاحبك ، يتودد إليك وقد تجد الألفة في مصادقته أحيانا . فهو صديق وفى والأجمل من ذلك أنه سيجعلك تشعر بالحنين لنفسك القديمة وحينما تدركها سيغادرك لتلملم ماتبقي من نفسك .

هو : ولماذا تبكي الأن ؟

أنا : لانه غادرني وضميري وأنا الأن لا أستطيع أن ألملم ماتبقي من نفسي ..

هو : لاتبك فذلك مايحل بالجميع في وقت ما ،لايفعلون شئ أو تموت تلك الرغبة في فعل أي شئ ، في خيبة من حين لأخر وذلك مايجعل للحياة معني ، فهو يذكرك بأن ماتريده يصعب نيله باللاشئ ..

وتلك سنة الطلب ..ماتريده تسعي إليه ..

فرفقا بنفسك وصادقها ..

.

اهمال العلم لدى الشعوب العربية مسئولية مين ياترى !!!

ليه الشعب بتاعنا مش علماء, ليه مش بيهتموا بالعلم ؟

كل دي تساؤلات إجابتها بتدين الشعب او أهل الدولة , ولكن اللي متعرفوش إن الشعب لايملك أي حق في تحديد مصيره , الإتجاه العام للشعب الدولة اللي بتتحكم فيه , وأخص بذلك الحاكم بتاع الدولة .

بمعني إن لو الحاكم إهتم بالعلم والتعليم هتلاقي الشعب مهتم بالتعليم والعلم وهكذا , لو مهتم بالتسليح والصناعة الحربية هتلاقي الشعب كله مهتم بده وبيتابع التطورات , لو مهتم بالاصلاح الإقتصادي هتلاقي الشعب كله بيسأل عن الأسعار ..

في كتاب " الكامل في التاريخ " لإبن الأثير بيقول :

كان الوليد بن عبد الملك صاحب بناء واتخاذ المصانع فكان الناس يلتقون في زمانه فيسأل بعضهم بعضاً عن البناء , وكان سلمان صاحب طعام ونكاح فكان الناس يسأل بعضهم بعضاً عن النكاح والطعام , وكان عمر بن عبد العزيز صاحب عبادة فكان الناس يسأل بعضهم بعضاً عن الخبر : ماوردك اليوم وكم تحفظ من القرأن وكم تصوم الشهر ...

معني كدة اللي بيتحكم في التوجه العام للشعب وشكل المجتمع هي سياسة السلطة ومنهجها , في جملة تنسب لعلي بن أبي طالب بيقول " الناس بأمرائهم أشبه منهم بآبائهم " ..

في القرن الثامن عشر كان فيه فيلسوف فرنسي اسمه هلفيتيوس قال :

إن التفاعل بين المجتمع والدولة ذو اتجاه واحد , فالشعب لايؤثر في طبيعة الدولة وانما تؤثر الدولة في خصائص الشعب وأخلاقه ....

الراجل استنتج إن الدولة مسئولة عن مساوئ الشعب وبرضة عن محاسنه .

دارى على شمعتك تقيد مثل شعبي صادق

مش لازم تعرف الناس اي حاجة تحصلك ، الحاجة اللي هتديهم دافع قولهم عليها غير كدة متقولش لحد اي حاجة من اخبارك . كل ذي نعمة محسود ياعزيزي ، واستعينوا علي قضاء جوائجكم بالكتمان ...

خليهم يتفاجئوا بإنجازك . لو حابب تشارك الناس اللي عملته قولهم عادي

حزنك ،فرحك،تعبك ،تعليمك احتفظ بكل حاجة لنفسك .

خططك كلها واهدافك تبقي ليك انت ، لو عاوز تقول لحد يبقي اقرب الاقربين ليك وتكون متأكد انه مش هيسفهك ولايقلل من قدرك ،ولا هيحبطك ..

ارسم الطريق كويس جدا لهدفك  وحط خطة Aوخطة B علشان لو حصل حاجة ، متخليش اي ظروف تقف في طريقك ..بطل تحط مبررات لفشلك واحباطك ، وبطل تبص للناس وتقول ان فلان ظروفه احسن منك وطبيعي يبقي هو افضل منك .

مش كل مرة تفشل فيها يبقي المرة اللي بعدها هتنجح بإعتبار ان انت توماس اديسون حاول بقدر الامكان تخلي النجاح من اول مرة ،مفيش محاولة تانية ..

خد كورسات كتير وابحث في مجالك واقرأ كتير ،ونزل مراجع والزم نفسك بالقراءة ..

انت في سباق ياصديقي وقد تجد من يتسابق بقدم واحدة والاخر يبدأ الطريق من منتصفه ،واحدهم يبدأ معك ولكن الكل يحمل هدف واحد وهو الوصول للقمة ، وانتم في نظر الحكام والمشاهدين متساوون في الظروف .

ساعدوا بعض ،واعينوا بعض علي اهدافكم .

حبوا بعض ونقوا قلوبكم ❤

العبرة بالخواتيم لا تنخدع ببدايات الامور

النهاردة صحيت من النوم وأنا عندي قناعة رهيبة إني أقدر أخلص حوالي خمس كتب النهاردة بس وانا مرتاح جداااا وعندي طاقة عالية أووووي ..

واحد بيحكي بيقول :

في يوم كلمت صديقي وطلبت منه إني أجري معاه , لأني كنت حاسس بطاقة غريبة وإني أقدر أتخلص من عاداتي السيئة في يوم وأرجع صحتي زي ماكانت ..

للأسف أنا كنت مدخن شره جداً , ومع ذلك ومع إني عارف قدراتي الجسدية السيئة قررت أتحدي صديقي ده في الجري !!

معرفش أنا كنت بفكر في إيه بالضبط , بس كل اللي كان في دماغي إني هقدر أغلبه بسهولة , مع إنه شخص رياضي جداً ومواظب علي الجري من سنوات , بس كنت مقتنع إني هقدر أتغلب عليه وبسهولة ..

بدأنا جري , جرينا كتير وفجأة انعدمت الرؤية عندي , وشعرت إن دماغي خفيفة جداً , وحسيت بدوار رهيب وإن قلبي هيقف , وسقطت علي الأرض , صديقي خاف وكلم الاسعاف ..

تاني يوم صحيت وانا حاسس ان جسدي مر من فوقه عربة " محملة بطاطس باين 😂😂😂" وتخليت عن كل فكرة عندي إني أجري تاني أو أكون رياضي ..

.

هي دي حياتنا بالضبط ياجماعة

- كونك صحيت في يوم وعندك قناعة إنك تقدر تكون لاعب كورة كبير وقررت تبدأ اليوم ده فعلاً في خطواتك نحو النجومية بس للأسف مقدرتش تعمل ده في يوم وفقدت كل أمل في إنك تكون ما تريد ..

- في بداية السنة لما قررت تخلص السنة دي حوالي 50 كتاب في مختلف المجالات وتاخد الـ IELTS وتشوف منحة تقدم فيها وتوفي متطلباتها , وتقرأ في الفلسفة وتجيب تقدير كويس في كليتك , وتواظب علي الصلاة والطاعة .. ده عمره ماهيحصل بالـ  Spark of motivation اللي جيتلك في ساعة دي ..

- كل يوم قرارك اللي بتاخده وانت كلك حماس وطاقة إنك تكون إنسان جديد ومش بتتغير وكل يوم بتأجل وبتسوف علي أمل إنك تبدأ بكرة وعلي امل إن لسة وقت كتير اووووي وتقدر تعمل أي حاجة وقت ماتحب وبسهولة ..

- بداية رمضان لما قررت إنك تختم القرأن 3 مرات ومتسبش التراويح ولا الذكر وتكون شخص مطيع ومواظب علي الطاعة , الطاقة والحماس اللي جيتلك أول يوم دي للأسف مش هتخليك تكمل للأخر ..

- لما صحيت وقررت تروح الجيم وتعمل جسم وكلك حماس , وبعد أول يوم ملقتش نتيجة قررت تبطل جيم

...........................

اللي بيحصلنا ده  Just a spark of motivation  ومش هيخرجك من هنا صدقني

اللي بيملك صحة جيدة وجسم كويس , ده يستحقها , لأن ده نتيجة تمرين وتدريب يومي وجهد هو داوم عليه لفترة ..

اللي داوم علي المذاكرة وجاب تقدير كويس وحصل علي منحة محترمة في دولة كويسة , ده يستحقها والله , لأنه اقتنع إن مفيش Shortcut  في الحياة دي , كل شئ عاوز مجهود وتعب وسهر علشان يوصله .. وفعلا عمل كدة ووصل

الأهم من الإجتهاد ياجماعة هي " الدوام " علي الشئ القليل اللي بتعمله في يومك ..

اللي بتعمله وانت فاكر انك مبتعملش حاجة لو داومت عليه هتحس بقيمته فعلاً بعد فترة , السيدة عائشة قالت إن النبي كان دائم القول " أنَّ أَحَبَّ الْأَعْمَالِ إِلَى اللَّهِ أَدْوَمُهَا وَإِنْ قَلَّ "

.

كلنا عاوزين نسافر برة ونكمل تعليم في جامعة محترمة , ولكن هل حد فينا فعلاً عمل اللي عليه علشان يوصل للمكان ده ؟ هل وفيت كل اللي مطلوب منك ؟

طب ليه بنزعل لما بنفشل ؟؟؟

في حكمة جميلة أوي بحبها بتقول :

It's not rocket science . our destiny is surprisingly related to our daily habits. not sparks of motivation ..

موفقين